Pananggalan Maya
Pananggalan Maya ya iku sistem pananggalan kang disusun déning sawijining bangsa kang dikenal kanthi jeneng Maya. Pananggalan iki diciptakalke nalika jaman Baktun kaping-6 (sekitar taun 747-353 SM)[2]. Puncak kajayaan saka peradaban Suku Maya ana ing taun 250-900 M.
Suku Maya ndadekake pananggalan maya dadi pathokan lan ukuran kanggo nentokake kedadean kang dialami déning Suku Maya. Suku Maya uga nganggep tanggalane dadi wujud visual ngenani lakune wektu kang ngambarake kepiye urip iku.[3] Nganti tekan saiki saora-orane ana 20 sistem pananggalan Suku Maya lan 15 sistem wis disebarake ana kanggo disinauni, dene 5 sistem liyane isih dirahasiakake déning para pemangku adat Suku Maya.[3]
Saka 15 macem sistem kalender suku maya iku nyathet perobahan srengéngé, wulan, planet-planet kang katon, mangsa panen, lan uga siklus kauripan srangga.[3]
Pananggalan Suku Maya kang wis misuwur ya iku Tanggalan Tzolkin (Tzolk'in) kang umure 260 dina lan Pananggalan Haab (Ha’ab) kang umure 365 dina.[3]
Gabungan saka kekaron tanggalan mau rampung sakwise 52 Haab utawa sekitar 52 taun Pananggalan Grégorian.[3]
Saliyane iku ana uga Pananggalan Itung Dawa (Long Count) kang umuré 13 Baktun (siklus) utawa yèn diitung nganggo pananggalan Grégorian lewih saka 5.126 taun, ya iku diwiwiti nalika tanggal 11 Agustus 3114 Sadurunge Masehi (Kalender Gregorian) utawa 6 September 3113 Sadurungé Masèhi (Pananggalan Julian)[4] nganti tekan rampung ya iku tanggal 21 Desember 2012 Masehi (Tanggalan Gregorian).[3] Sistem Petungan Panjang iki migunakake basis petungan 20, dena tanggalan modern saiki migunakake basis petungan 10. Ewadena suwene wektu saBaktun ya iku 144.000 hari.[3]
Cathetan suku
- ↑ http://www.en.wikipedia.org, diakses tanggal 2 Oktober 2010
- ↑ Dr. Jose Arguelles, The Mayan Factor: Path Beyong Technology, Bear & Company, 1973
- ↑ a b c d e f g Abu Fatiah Al-Adnani, Kiamat 2012: Antara Ramalan, Sains dan Tinjauan Nubuat Akhir Zaman, Granada Mediatama, 2009, ISBN 978-979-18040-4-2
- ↑ Vincent H. Malmstrom, Cycles of the Sun, Mysteries of the Moon: The Calendar in Mesoamerican Civilization. Chapter 6: The Long Count: The Astronomical Precision, University of Texas Press, 1997, ISBN 0-292-75197-4
| Artikel iki minangka artikel rintisan. Kowé bisa ngéwangi Wikipédia ngembangaké. |