Simon Kuznets

Simon Smith Kuznets (Pinsk, Kekaisaran Rusia (sapunika wonten ing Belarus), 30 April 1901 – Cambridge, Massachusetts, Amérika Sarékat, 8 Juli 1985) misuwur saking studinipun babagan pendapatan nasional lan komponén-komponénipun. Kuznets inggih punika guru besar ilmu ékonomi wonten ing Universitas Pennsylvania (1930-1954), Johns Hopkins (1954-1960), lan Harvard (1960-71). Piyambakipun inggih punika présidhèn American Economic Association nalika taun 1954.^[1]

Karya

Kuznets ngéwahi cara pangukuran PDB. Kanthi karya ingkang kawiwitan nalika taun 1930-an lan kalajengaken antawis pinten-pinten dasawarsa, Kuznets ngétang pendapatan nasional wiwit taun 1869. Éwadéné sanés ekonom ingkang angka pisan ing nyobi babagan punika, karya Kuznets kaétang sampurna lan tliti ingkang ngatur standar bidang punika. Karyanipun dipunparingi béa déning lembaga nirlaba National Bureau of Economic Research, ingkang sampun kawiwitan nalika taun 1920. Kuznets lajeng mbiyantu U.S. Department of Commerce kanggé menstandardisasi pangukuran Produk Nasional Bruto. Ananging wonten ing pungkasaning taun 1940-an, piyambakpun kapecah kaliyan departemen punika margi nolak migunakaken PDB kanggé ngukur pedamelan rumah tangga amargi punika minangka komponen produksi ingkang wigati.^[2]

Lajeng, Kuznets mbiyantu ngembangaken revolusi Keynes. Pangukuran Kuznets ugi mbiyantu nglajengaken studi babagan ekonometri ingkang dipundhirikaken déning Ragnar Frisch lan Jan Tinbergen. Kuznets nyaketi karya punika kanthi mituruti fakta lan kapéngin mangertosi fenomena ékonomi lumantar pangukuran ingkang kuantitatif. Piyambakpiun sampun miwiti nalika dumunung wonten ing Rusia: piyambakipun minangka kepala BPS wonten ing Ukraina wonten ing masa Bolshevik sadéréngipun pindhah dhateng Amérika Sarékat wonten ing yuswa 21 taun.^[3]

Salah satunggaling penemuan Kuznets sanésipun inggih punika efek pertumbuhan ékonomi wonten ing distribusi pendapatan. Wonten ing nagari ingkang miskin, Kuznets manggihaken bilih pertumbuhan ékonomi nambah disparitas pendapatan antawis tiyang sugih kaliyan tiyang miskin. Wonten ing nagari ingkang makmur, pertumbuhan ékonomi nyempitaken babagan punika. Kejawi punika, Kuznets nganalisis lan nguantifikasi sipat ngambali produksi lan refi wonten ing jangka wekdal 15-20 taun. Siklus perdagangan ingkang mekaten punika dipunsebut minangka "siklus Kuznets" éwadéné dipuntentangaken.^[4]

Penghargaan

Kuznets pikantuk Penghargaan Bank Swedia wonten ing Ilmu Ékonomi kanggé méngeti Alfred Nobel. Kathah ekonom ingkang pitados bilih Kuznets pikantuk Hadhiah Nobel Ekonomi taun 1971 kanggé pangétangan pendapatan nasional. Ananging kasunyatanipun, piyambakipun pikantuk penghargaan punika kanggé karya émpiris babagan pertumbuhan ékonomi. Wonten ing karya punika Kuznets ngidentifikasi éra ékonomi énggal-ingkang dipunsebut "pertumbuhan ékonomi modern"—ingkang kawiwitan wonten ing Éropah Barat ing palih pungkasan abad angka 18.

Cathetan suku

Pranala njaba

Simon Kuznets, Biography: The Concise Encyclopedia of Economics: Library of Economics and Liberty

[1] ttp://www.nobelprize.org/nobel_prizes/economics/laureates/1971/kuznets-autobio.html

[2] ttp://global.britannica.com/EBchecked/topic/325734/Simon-Kuznets

[3] ttp://www.econlib.org/library/Enc/bios/Kuznets.html

[4] ttp://courses.nus.edu.sg/course/ecshua/eca5374/Economics%20growth%20and%20income%20inequality_Kuznets_AER55.pdf

[1]

[2]

[3]

[4]