Nurwègen

Kongeriket Norge
Kongeriket Noreg
Kongeriket Norge; Kongeriket Noreg
	Gendéra Aditamèng
	Motto: -; Sesanti karajan: Alt for Norge (Kabèh kanggo Nurwègen)
	Gunagita: Ja, vi elsker dette landet
Kuthagara lan Kutha paling gedhé	Oslo
Jawatbasa	Nurwègen (80%) Sami(12.64%)
Papréntahan	Monarki konstitusional
Konstitusi ; Kamardikan
• Banyu (%)	6,0%
Population
• Pikira-kira 2005	5 295 619 (120)
• Cacahjiwa 2001	4.520.947
GKK (ITK)	Pikira-kira 2003
• Gunggung	US$169 miliar (42)
• Saben wong	US$40.784 (2)
IPM	0,963; Error: Invalid HDI value · 1
Artacihna	Krone Nurwègen (NOK)
Laladan wektu	UTC+1 (CET)
• Mangsa ketiga (AKK)	UTC+2 (CEST)
Kodhé bèl	47
TLD internèt	.no
	1 Klebu Svalbard lan Jan Mayen

Karajan Nurwègen utawa Kongeriket Norge/Noreg sajeroning basa Nurwègen ya iku nagara Nordik ing Ujung Skandinavi pérangan pucuk kulon lan wewatesan karo Swèdhen, Finlan, lan Ruslan. Pasisirné kang dumunung ing Samodra Atlantik Lor minangka lokasi fyord kang misuwur. Svalbard lan Jan Mayen ana ing ngisor kadhaulatan Nurwègen dhedhasar Traktat Svalbard.

Géografi

Reine, Lofoten, dilihat dari pucuk Reinebringen (Juni 2003).

Lansekap Nurwègen lumrahé kasar lan akèh gunung, katutup déning gletser, lan pinggir pasisir dawané punjul 83.000 km [1] diwatesi déning fyord, lan uga pulo-pulo. Pérangan lor nagara iki uga kaloka minangka "Tanah Srengéngé Tengah Wengi" amarga pernahé kang dumunung ing sisih paling lor, lan saben mangsa panas srengéngé ora tau angslup, lan ing usum adhem srengéngé ora metu ing sajeroning wektu kang suwé. Nurwègen wewatesan karo Segara Lor ing sisih kidul-kulon lan pulo-pulo Skagerrak ing sisih kidul, Segara Nurwègen ing kulon, lan Segara Barents ing lor-wétan. Ing sisih wétan Nurwègen wewatesan karo Swèdhen, lan uga karo Finlan, lan uga karo Ruslan. Titik paling dhuwur ing Nurwègen panggonan kang arané Galdhøpiggen ya iku dhuwuré watara 2.469 m. Iklim Nurwègen iklim temperat, mligi ing laladan pasisir amarga prabawa Gulf Stream. Iklim tanah pérangan jero luwih parah lan ing sisih lor luwih cedhak karo iklim subarktik.

Pulitik

Nurwègen iku nagara monarki konstitusional lan migunakaké sistem pamaréntahan parlementer. Parlemèné, Stortinget, duwé 169 anggota (sadurungé 165, tambah wiwit tangal 12 September 2005) kang dipilih kanggo mangsa kalungguhan 4 taun. Parlemèn iki kapérang loro sajeroning voting legislasi, Odelsting lan Lagting. Kejaba kanggo sawetara bab, Storting duwé fungsi minangka parlemèn unikameral.