Brigade

Bregada iku tataran ékan militèr sangisoré divisi, kang dumadi saka 1.500 nganti 5000 personil, kang dibawahi Bregadir utawa Kolonèl. Sawijining bregada kawangun saka loro nganti papat batalyon, kang racaké wujud telu batalyon unsur tempur, unsur bantuan tempur lan unsur bantuan administrasi. Bregada bisa dipadhakaké utawa béda karo rèsimèn, gumantung sistem kang dianggo déning siji nagara.

Indonésia

TNI-AD

Cithakan:Artikel Jumlah kakuatan personel kurang leuwh 3000 nganti 5000 personil. Amarga minangka ékan tempur kang relatif gedhé, mula nalika ngayahi tugas operasi ing tingkat bregada, kesatuan mau bisa mandhiri, lengkap kanthi unsur Bantuan Tempur (Banpur) lan Bantuan Administrasi (Banmin) dhéwé. Koordinasi Banpur lan Banmin ana ing ngisoré unit dhéwé ya iku Detasemen Markas, dibawahi Komandan Detasemen Markas Dandema.

Sajeroning organisasi TNI-AD, bregada wektu iki mung ana ing bregada sepandri, ya iku ing ékan Kostrad utawa Kodam. Susunan kang mèmper bregada uga ana ing struktur Kopassus kang karan Grup. Kanggo tataran bregada kanthi jeneng liya resimen ana ing Korps Artileri ya iku Resimen Artileri Medan 1 lan Resimen Artileri Medan 2 ing Kostrad, Resimen Artileri Pertahanan Udara ing Kodam Jaya, Korps Zeni ing Resimen Zeni Konstruksi.

Wektu iki ana loro bregada kang ana ing struktur Kodam, ya iku Brigif-1 Pengaman Kutha krajan/Jaya Sakti ing Kodam Jaya lan Bregada Infanteri 15 Kujang II ing Kodam III Siliwangi. Déné kang liyané ana ing struktur Kostrad akèhé ana enem bregada sepandri.

Nagara liya

Britania Raya

Ing Wadya Inggris, bregada dianggo minangka formasi taktis paling cilik wiwit rong abad kapungkur. Sajeroning bregada sepandri lan legunder, rèsimèn dianggo minangka panglumpukan administratif batalyon.

Amérikah Sarékat

Sajeroning Wadya Amérikah Sarékat, bregada padha utawa rada luwih gedhé saka rèsimèn. Mawa jumlah saradhadhu saka 1.500 nganti 3.500 wong.