Taksi

Taksi

Taksi yaiku angkutan umum kang nggunakaké montor kanggo ngangkut penumpang. Taksi umumé nggunakaké mobil jinis sédan, ananging ing negara-negara liyané ana uga taksi jinis van kang bisa ngangkut luwih akèh penumpang lan barang.

Tarif taksi diitung nganggo rong cara,

• kanthi nggunakaké argomèter - diitung kanthi otomatis gumantung adohé let kang ditempuh
• miturut kasepakatan-penumpang lan sopir nyetujoni tarif sadurungé utawa sawisé perjalanan

Bedané taksi karo angkutan umum dharat kang modhèrn liyané kayata bus yaiku cacahé penumpang. Yèn bus ngangkut akèh penumpang ananging taksi mung kamot 4 penumpang, awit taksi nggunakaké montor. Taksi biyasané ngangkut penumpang kang ana ing kalompok tinamtu.

Montor kanggo taksi

Ford Falcon ing Australia (Taxi)

Montor kang akèh digunakaké minangka taksi yaiku:

• Ford Crown Victoria ing Amérika Sarékat.
• Ford Falcon ing Australia.
• Holden Gemini ing Indonésia.
• Holden Commodore ing Australia.
• Mitsubishi Lancer ing Indonésia.
• Nissan Sunny ing Indonesia.
• Ford Laser ing Indonesia.
• Toyota Crown Comfort ing Jepang, Singapura, dan Hong Kong.
• Nissan Cedric ing Jepang, Singapura, dan Indonesia.
• Mercedes Benz E Class ing akeh negara kayata Cina,Éropah,Indonesia
• Volkswagen Passat ing Jerman.
• Volkswagen Santana ing Cina.
• Toyota Vios Limo ing Indonesia.
• Toyota Corolla ing Thailand,Filipina,dan Indonesia.
• Toyota Camry ing Taiwan lan Timur Tengah.
• Hyundai Accent ing Indonesia
• Proton ing Malaysia

Istilah "taksi" uga kena ngarah ing angkutan umum liyané saliyané montor kang ngangkut penumpang kang cacahé mung sithik, kayata taksi air. Taksi iki sabeneré mung arupa prau.

Taksi air

Taksi air arupa prau kang ana mesiné. Taksi air biyasané diséwa kanggo lelungan ing wayah kang tinamtu. Taksi air akèh ditemokaké ing kutha-kutha kang diliwati kali gedhé kayata Palembang, Samarinda utawa ing pinggir tlaga kayata Parapat, Tarutung.