Floralia
Floralia sunt feriae Florae deae Romanae. Die sacrorum Floralium a meretricibus urbis Romae imprimis celebratorum mimae solebant in scaena saltare nudae lasciviam ex more at arte sua fingentes obscaenam. Valerio Maximo (capite 2.10.8) teste M. Porcio Catone minore ludos Florales, quos Messius aedilis faciebat, spectante populus, ut mimae nudarentur, postulare erubuit. Quod cum ex Fauonio amicissimo sibi una sedente cognosset, discessit e theatro, ne praesentia sua spectaculi consuetudinem impediret. Quem abeuntem ingenti plausu populus prosecutus priscum morem iocorum in scaenam reuocauit. Cf. etiam ea, quae in Historia Augusta commemorantur de Elagabalo imperatore, qui amasium suum Hieroclen sic amavit, ut eidem inguina oscularetur ... Floralia sacra se adserens celebrare.[1]
Notae
- ↑ Historia Augusta Elagabalus 6.5.