Ludovicus de Beaufront
Ludovicus de Beaufront (natus die 3 Octobris 1855 Lutetiae sub nomine Ludovici Chevreux, mortuus die 8 Ianuarii 1935 in Thézy-Glimont) fuit inter primos Franciae esperantistas. Tamen postea divulgatorem sese fecit linguae constructae Ido certi Ludovici Couturat.
Vita
Vere multa in vita Ludovici Beaufront aenigmatibus plena sunt. Ipse se gravionem appellabat stemma excogitans usque ad reges Franciae. Dixit se portare titulum doctoris theologiae, se itinera fecisse in Indiam et Iaponiam. Fertur eum finxisse aliquando idioma proprium sub titulo "Adjuvanto" Esperanticum negligens.
Post mortem autem indagatores reppererunt magistrum quendam privatum Beaufront recte Chevreux appellatum esse. Mater eius auxilio publico vixit, pater ignotus fuit. Biographus eius Rolandus Jossinet agnovit Ludovicum de Beaufront partes nobili genere nati optime egisse et autodidacticum egregium fuisse. Quod cum ita sint, iste vir motioni esperantistarum novae fuit usui maximo.
Iam anno 1888 linguam Esperanticam sibi detexit. Anno 1898 sodalitas Esperantica fundata est sub nomine Société pour la propagation de l'espéranto (SPPE). Praeterea periodicum natum est quorum commentationes autem saepius lingua Francica pactae sunt. Ludovicum de Beaufront praeconia multa in rebus Esperanticis provehendis ante personas maximi momenti fecisse constat.
Via propria
Aliter ac Ludovicus Zamenhof praxim linguae Esperanticae maioris aestimavit, minoris autem partem notionum interiorum sive idealismi. Accusatio de praemiis a domu editoria Hachette acceptis dissensus inter Beaufront et moderatores alios auxit. Attamen missum officialem in conventum de lingua internationali optima eligenda se fieri sivit. Ibi autem minime de iam existentibus linguis constructis disputatum est - ut erat in votis et in propositis - sed de omnino novis rebus. Ignotus quidam praesentaturus fuit linguam Ido - cui Beaufront quoque annuit. Mense Iunio 1908 Beaufront confessus est se ipsum sermonis illius inventorem esse. Quae opinio hodie ab omnibus accipitur solummodo quod ad fundamenta linguae Ido attinet. Nam verisimiliter idiomatis istius novi inventores fuerunt plures.
Bibliographia
- Roland Jossinet: La franca savinto de Esperanto. Apud: Hervé Gonin: 1898-1998. Centjara asocia Esperanto-movado en Francio. Unua kajero, editio specialis in serie Franca Esperantisto 66 (sequentia altera), Augusti 1998, p. 42–48