Tequixquiac
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
|
Tequixquiac | |||
|---|---|---|---|
| |||
| |||
| Paiz |  Meksiko
| ||
| Estado |  Meksiko
| ||
| Rejion | Rejion Zumpango | ||
| Kavesera | Santiago Tequixquiac | ||
| Fondasion | 29 de Noviembre de 1820 | ||
| Superfisia | 122.32 km² | ||
| Altura | 2100-2488 m. | ||
| Povlasion | 33.907 mor. (2010) | ||
| Alkalde | Salvador Raúl Vásquez Valencia | ||
| Djentilisio | {{{djentilisio}}} | ||
| Kodigo | 15096 (INEGI) | ||
| Lokalidades | 13 | ||
| Hoja web | http://www.tequixquiac.gob.mx/
| ||
Tequixquiac (טיקיקסקיאק) es uno delos 7 belediyes de la Rejion Zumpango i uno de los 125 belediyes del Estado de Meksiko, en la Repuvlika Meksikana. La povlasion del belediye es de 33.907 moradores, en el anyo 2010.[1] Tequixquiac kolinda kon los belediyes de Zumpango, Hueypoxtla, Apaxco i Huehuetoca, endemas aze frontiera kon el estado de Hidalgo.
El belediye es afamado komo Kuna del arte preistoryiko en Amerika purke aki se topo un gueso tayado kon kara de animal, yamado el Gueso sakro de Tequixquiac,[2] una ovra de arte preistoryiko del kontinente aze 14 000 anyos, ansina ke amostra ayazgos topados de grandes animales del pleistoseno komo gamelos, kavayos, yamas, mamutos i mastodontos en un lugar yamado El Tajo. El territorio del belediye, alkavo de munchos anyos atras fue parte de una sharfa rejion yamada la Teotlalpan, ayi ande moravan los otomis, un puevlo aborijinalo ke fue konkishtado por los aztekos; ensiguida se dio la konkishta espanyola i el territorio fue apartajado en enkomiendas para los soldados evropeos ke ayudaron a Hernando Cortés en la konkishta de la Sivdad de Meksiko i de la sivdad de Santiago de Querétaro.[aklaro nesesario]
Es uno delos primeros beleyides del paiz, fue fundado ofisialmente el 29 de noviemvre 1820, basho la konstitusion de Kadiz; al kulminad la independensia, hue unido al partido de Zumpango al kriarse el estado de Meksiko. Endemas aki se fraguo el Grande Tunel de Desague de la Sivdad de Meksiko, una ovra de injenyeria echa ideada durante el governo de Virreynato de Mueva Espanya i akavada en el sieklo XIX, fue inagurada por Porfirio Diaz, el prezidente del paiz en nakelos anyos.
Etimolojia
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
Tequixquiac, en lingua orijinaria la sinyifikasion es Lugar de agua salitrosa, el orijen del biervo en lingua nahuatl es tequixquitl (salitre), atl (agua) i -c (lugar), ke deriva de una aglutinasion de tres palavras. Tequixquiac hue uno de los kazales mas antikos del paiz, la su fundasion data denantes de la konkista espanyola i el nombre del belediye es el mezmo del sharfo kazal indijena.
El glifo del Tequixquiac, es el prinsipal sembol del belediye, es a la vez el eskudo dela munisipalidad, es enregistrado ofisial mente el bando de polisia i buen governo, en el artikolo I.
Istoria
Preistoria
Esta tierra fue avitada orijinalmente por los primeros ombres orijinarios de la Amerika. Grandes animales moravano aki komo mamut, glyptodonte o kavayo preistoriko, los ombres de la preyistoria izieron erramentas antikas i krearon arte preyistoriko komo el afamado Gueso sakro de Tequixquiac, pieza de gueso de un koksis ande se tayo la kara de un animal kon forma de porko o koyote.[3]
Periodo prekolombino
Los primeros moradores de este territorio hueron grupos nomadas ke se dedikaron a la kaza, la rekolekta de frutos i la krianza de animales komo konejos indianoss i perros; en los bordes de los rios kultivose el maiz, frejol, kalabaza, tomat i pimiento. Tequixquiac hue paso obligado por munchas tribus mesoamerikanas.
Duante el esplendor tolteko, el serro Mesa Ahumada hue avitado, era un punto de vijilansia de diversos vayes para observar el paso de djente i tribus. Tambien durante el esplendor de la sivdad de Teotihuacán, munchos kaminos kruzavan por Tequixquiac, para el yevar merkadurias asta la sivdad.
Kon el kolapso de Tula Xicocotitlan, los Acolhuas del Vaye de Meksiko invaden los puevlos de la rejión i fundaron la provinsia tepaneka de Teotlalpan, yamada ansi komo la tierra de los antikos o de los dioses, una zona semi-desertika kon muncha agua debasho de la tierra ande se topava povlada por djente de abla otomi i nahuatl. Estos avitantes de Teotlalpan eran yamados chichimekas kuando los aztekos konkistaron la rejion i sometieron a la jente a pagar tribute i merkar en elkazal de Hueypoxtla.
En el anyo de 1168, se funda el puevlo de Tequixquiac, el kualo kontava kon aproksimadamente 250 kazas espandidas al lungo i ancho de las kolinas serkanas. El kazal de Tequixquiac fue konkistado por los aztekos basho el governo de Chimalpopoca.
Mueva Espanya
En Coyoacán, Hernando Cortés sede enkomiendas a los sus soldados i se repartieron estas tierras de los natos otomis i aztekos ke antikamente formava parte de Teotlalpan, alkunos de los primeros espanyoles i portugezos ke kolonizaron deskues de la konkista de Tenochtitlan, aseguraron aki la su estansia en estas muevas tierras; dakeyos, alkunos eran de orijen sefaradis komo Jacomé de Aragon, enkomendero de Tlapanaloya.
El puevlo de Santiago Tequixquiac hue fundado por segonda okasion, el tlaxkalteko Fransisco de Tlaxintlale, ajijado de bautismo de Martín López, soldado de Hernando Cortez, es deklarado kasike fundador para poder mantener el kontrol de esta tierra de djente hostil.
Uno de los grandes projektos del paiz, asegun era desaguar las aguas del Vaye de Meksiko, era una demanda por los avitantes de la Sivdad de Meksiko durante el periodo colonial, visito la rejion el alman Alexander von de Humboldt i komuniko a las autoridades del virreynato ke el desnivel basho del vaye era ansina por Nochistongo i Tequixquiac.
Meksiko independiente
Al termo de la gerra de independensia de Espanya, voltaran los sus trabajos del governo para kavar los tuneles de desague, Maximilian de Absburgo sedio la konsesion a empresas ekstranjeras, pero kontinuo la inestabilidad politika y Maximilian hue muerto en Santiago de Querétaro por orden del ejesito liberalo. Luego deskues el governo de Porfirio Diaz dio kontinuidad a la ovra grandel del tunel de Tequixquiac kon una empresa ingleza yamada.
En el anyo de 1826 se asigna el primero alkalde dela munisipalidad, i se akodra en la parrokia de Santiago Apostol, unirse al partido de Zumpango, dentro del nasido estado de Meksiko. Los puevlos kedaron desprotejidos i los kaminos eran asechados por bandidos y asaltantes, antikamente al ejersito real espanyol tenyia protejidos los kaminos reales ke kruzavan por los puevlos, pero el belediye tuvo ke pedir ayudo al muevo governo de Meksiko para kustodiar los sharfos kaminos i a los morantes.
El pulke, era una bevida fermetanda de agave, ke sabian produsir los indijenas de la rejion, las haziendas de los crioyos de Tequixquiac se trokaron a la produksion de pulke, ke asegun trasnsportavan asta la Sivdad de Meksiko para la merka. Los hazendados tenyian komo lavoradores a los indijenas para sakar el zumo de aguamyel del agave i sembrar las tierras, era una egzplotasion ke favoresio el movimiento revolusionario.
Sieklo XX
EL prezidente Porfirio Díaz vino munchas vezes a Tequixquiac por modre de las ovras de konstruksion del Grande Kanal de Desague de la Sivdad de Meksiko, ordeno konstruir linyas de treno para yevar materiales, transporto de lavoradores i merkadurias de retorno komo pulque, piedra kaliza, maiz i sevada azia la Sivdad de Meksiko, finalmente en 1900 hue ignagurada i apresentada la obra grande de su governo, el kual iba de la Lagona de Zumpango azia el Tajo de Tequixquiac, en el maale de El Refugio.
Durante los primeros anyos del siglo XX komienza la gerra revolusionaria de 1910, la djente de Tequixquiac se unio al movimiento del sud, el kual era komandado por el djeneral Emiliano Zapata; akavada la gerra revolusionaria para el derrokamiento de Porfirio Díaz, el reparto de tierra i la kriasion de una mueva konstitusion nasionala. Huvo reparto de tierra en ejidos y zonas komuneras, Otilio Montaño vino a Tequixquiac en 1917 i sedio las tierra ke eran de las haziendas i de la kilisia, huerono repartidas azia los kampesinos o komuneros por mando del governo federal.
Jeografia
Tequixquiac topa al norte del estado, konta kon una superfisie de 122.32 km² de territorio. La kavesera del belediye es el kazal de Santiago Tequixquiac, i topa al norte kon el belediye de Apaxco, al sud kon el belediye de Zumpango, al sudoeste kon el belediye de Huehuetoca, al este kon el belediye de Hueypoxtla i al oeste ay frontiera kon el Estado de Hidalgo (belediye de Atotonilco de Tula). [4]
El belediye de Tequixquiac es pozisionado en las koordenadas jeografikas del meridiano de Greenwich latitud norte 19º 00' 00 minima, º 00' 00 maxima, longitud oeste 99º 00' 00 minima, º 00' 00 maxima. La altitud mayor es el Serro Mesa Ahumada tiene una altura de 2488 metros ensima del nivel dela mar, la menor altitud del belediye es azia el norte, en la beira del Rio Grande Kanal de Desague kon 2,100 metros ensima del nivel dela mar.
El Grande Kamal de Desague dela Sivdad de Meksiko (antikamente yamado Rio Xothé) es el rio de mayor tamanyo ke kruza de sud a norte azta topad kon el rio Tula en el estado de Hidalgo; el rio Salado de Hueypoxtla es otruna korriente de agua ke atravisa de oryente a oksidente, azta enjuntar kon las aguas del Grande Kanal de Desague.
Klima
En el belediye de Tequixquiac, ay un kima templado sub-humido bastante agradavle a pesar de ser un lugar seko ande muchiguan los kaktos. El mayor kalor es en los mezes de Mayo azta Agosto, en invierno kaji no ay luvias, anke la temperatura abasha azta 5 grados arriva de zero.
- Paizajes de Tequixquiac
-
Rio Salado -
El Zopilote -
Serro Mesa Ahumada -
Taxdho -
Palo Grande
.jpg?lang=lad)
.JPG?lang=lad)
Governo i administrasion
La kavesera o kapitala del belediye es la lokalidad de Santiago Tequixquiac, lugar ande governa la otoridad mas emportante del belediye ke es apresentada por el Ajuntamiento de Tequixquiac,[5] estruktura de governo lokal elejido por votasiones kada tres anyadas i emiten los sivdadanos mayores de 18 anyos de edad.
| Alkalde | Periodo |
|---|---|
.svg?lang=lad){kind=small} José Rafael Pérez Martínez |
2000-2003 |
.svg?lang=lad){kind=logo} Gustavo Alonso Donis |
2003-2006 |
| Enrique Martinez Astorga |
2006-2009 |
  Xóchitl Ramirez Ramírez |
2009-2012 |
| Juan Carlos González |
2013-2015 |
| Salvador Raúl Vázquez |
2015-2018 |
Partajamientos politikos
El belediye de Tequixquiac esta partajado en dos kazales (kada kazal apartajase en barrios o males), tambien ay otrunos apartajamientos komo rancherias i seis kolonias agrikolas.
- Santiago Tequixquiac se divide en sinko males i dos kolonias agrikolas:
- Barrio de Santiago: Colonia Centro.
- Barrio de San José: Colonia Taxdho, Colonia San Francisco Pueblo Nuevo.
- Barrio de San Mateo: Colonia El Vije, Colonia Gumisha, Colonia El Sol.
- Barrio de San Miguel: Colonia Media Luna, Colonia Prados, Colonia El Jagüey, Colonia Ejidal Wenceslao Labra.
- Barrio de El Refugio: Colonia El Tajo, Colonia Palo Grande.
- Tlapanaloya se divide sinko maales; Centro, La Plazuela, La Rinconada, Monte Alto y La Arenilla, tiene tres kolonias agrikolas, Colonia Francisco I Madero, Colonia Pajaritos i Colonia La Esperanza.
- El Crucero, es una lokalidad de resiente formasion.
- La Heredad, es una lokalidad que proviene de una antika rancheria.
Demografia
De los 33,907 moradores del belediye de los kualos 17,356 zon mujeres.
Lokalidades
El belediye de Tequixquiac tiene 13 lokalidades, las mas emportantes zon:
| Lokalidad | Povlasion |
| Total del Belediye | 33,907 |
| Santiago Tequixquiac | 25,430 |
| Tlapanaloya | 6,466 |
| Wenceslao Labra | 1,248 |
| El Crucero | 134 |
| La Heredad | 73 |
Linguas
La lingua ke avla el 90% de los sus avitantes es la lingua kastilyana, alkunas personas avlan kon munchas palavras antikas venidas de Espanya, las ke peduraron ansina desde el periodo kolonialo, la influensia de la lingua ladina es huerte en las sus lokalidades; los arkaizmos se avlan prensipalmente en personas majoritas o de anyos avanzados.
La segunda lingua avlada en este munsipio es la lingua otomi, lengua indijena ke ansina se avla por personas de las lokalidades, hue la primera lingua ke se avlo asegun en este munisipio, endenantes de ke afinkaran los aztekos i los evropeos. La tersera lingua ke se avla aki es la lingua mazahua, otra lingua de la famiya oto-pame (komo la lingua otomi).
La katrena lingua, es la lingua nahuatl, una lingua de emportante tradision en la istoria ansestrala de los avitantes de este munisipio, hue lingua franka i lingua de la evanjelisasion kristiana de los indijenas de la rejion, al igual ke la lingua otomi i la lingua kastilyana.
Relijion
.jpg?lang=lad)
.jpg?lang=lad)
La relijion mas praktikada en el belediye de Tequixquiac es el kristianismo katoliko, el 90% se konfieza de esta kreyensia, en el anyo de 1990 avia 16 796 katolikos asegun el ultimo registro ofisialo, las parrokias pertenesen a la Diosesis de Cuautitlán.[6] Dentro del protestantismo, una de las konfesiones ke mas amuchigua, es la de los Testemunyos de Jehova, endemas, las kilisias pentekostalas tambien konsentran muevos kreyentes, kilisias ke se amagan ansi mismas komo solo kristianos; otras kilisias son las evanjelikas, la piedra angular, la luz del Olam i la kilisia metodista, akeya ke se afinko en el munisipio de Tequixquiac por la arrivada de los trabajadores inglezos ke laboraron en el Primer Tunel de Tequixquiac.
Kon el empesijo de las ovras del tunel de grande kanal de desague de la Sivdad de Meksiko, afinkaron en Tequixquiac, injenieros de orijin inglez, prosedentes de Real del Monte, Pachuca i Necaxa, eyos trujeron la kilisia metodista i fundaron una chika kilisia en el kazal para el kulto de los ajenos. En 1901 se hueron los inglezos, ma desharon konversos i alkunos desendientes ke kontinuearon kon el servisio del kulto i el tradision metodisto.
Tequixquiac es uno delos belediyes kon numerozos ateos, en akodro a la su povlasion, es una kreyensia ke muchigua entre mansevos, djovenos i personas kon estudios universitarios, la sensia es parte de la su kreyensia i la negasion de divinidades o dyoses. Ansina igual se manifiesta el gnostisizmo, kreyer en Dios o en forzas del kosmos, ma negar reunise en kilisias o kultos. Egziste en Tequixquiac un poko de tradision antika de los puevlos indijenas, la kreyensia de sanar dolensias kon yervas i ritos antikos de shamanes o nigromantes, sen relasion kon kreyensias djudio-kristianas i ke se praktika por la djente.
En Tequixquiac ay presensia de djudaizmo ansi desde la kolonisasion espanyola en alkunas famiyas; eran estos kriptodjudios, endemas yamados marranos, los kualos fueron absorvidos por el katolisismo en la su mayorita, alkunos konservaron las sus kostumbres djudias dentro del kristianizmo katoliko.[7]
| Relijion | Povlasion (1970) | Povlasion (1990) |
| Total | 10,276 | 17,995 |
| Katolikos | 9,872 | 16,796 |
| Protestantes | 314 | 662 |
| Ateos | 71 | 275 |
| Djudios | 7 | 11 |
| Otros | 12 | 202 |
| Sen espesifikasion | -- | 49 |
Edukasion
.JPG?lang=lad)
El governo del belediye prokura ke ayiga eskolas de todos los nivelos de edukasion, siendo la eskola primaria Nicolás Bravo ke ha destakado en los eksámenes de nivelasión akadémica Xablón:Aklaro ke también es kompartido con la escuela Juan Fernández Albarrán, la secundaria Fray Servando Teresa de Mier (de Tlapanaloya) en materia de edukasión ekolójika i ambientalista, ansina komo el CBT Alfonso León de Garay.[8]
El nivel de escolaridad es medio, con alta deserción en el nivel medio superior (preparatoria o bachillerato) pese a que dentro de las localidades municipales hay tres instituciones de nivel medio superior y programas de alfabetización para adultos. El 89% de la población ha concluido el nivel básico educativo contando con una escuela en cada barrio o colonia sin tener déficit por aula.Xablón:Aklaro
Kultura
El belediye konta kon un muzeo komuntario yamado Temoatzin, lugar ande se muestra guesos de mamut, gliptodonte, kavayo preistoriko, lonso preistoriko i objetos prekolombinos de los antikos puevlos orijinarios komo los otomis i los aztekos.
Folklor
.JPG?lang=lad)
Las danzas preispanikas zon uno de los bailes ke se danzan en el belediye, los concheros zon danzadores ke bailan kon un teponaztli i koncho de karakol marino, visten kon pyeles de animales i plumas de pasharos, es de orijin chichimeko purke esta rejion fue morada por los indijenas otomis i aztekos. Oy en dia se baila en el kazal de Tlapanaloya, ande ay un grupo de concheros engrandesido.
Es uno de los belediyes del estado kon un folklore propio, aki ay el tradision de danzar La Contradanza de las Varas, un baile venido del norte dela Espanya, de la rejion de Asturias ke se danza denantes de la independensia de Meksiko azta oy en dia; es un baile krioyo en onra al Sinyor dela Kapiya, un kristo muncho venerado en este lugar, endemas se danza el 25 de djulio durante el Jacobeo i el Jubileo.
Endemas aki ay agrupasiones de danza folklorika, ke se apresentan en diversos foros del paiz i de otros paizes, desde la chikez se melda la danza, se embeza en diferentes fraguas de kultura del belediye, todo el anyo ay eventos kulturalos de danza folklorika en los kazales komo Santiago Tequixquiac, Tlapanaloya i Wenseslao Labra.
Kuzina
La kuzina del belediye es diversa en sabores, es una mistura de kuzinas prekolombinas kon la kuzina espanyola, ay fuerte influensia dela kuzina sefaradi, ansi komo de sabores indijenas. El maiz es la baza dela alimentasion de la jente, todos los alimentos yevan algo de maiz. Los frutos del belediye zon los tejocotes, los chumbos, los garambuyos, las guayabas, los elotes i los depes; las bevidas zon el pulque i kurados, agua de chía i mezcal; los dulses de temporada zon los tejocotes en dulse, la kalavasa en dulse, la myel. Ay munchos alimentos de orijen indijena komo las tortillas de maiz, el ximbó, el pozole, los tacos, loes escamoles, los tlacoyos, las gordas de maiz, el mondongo, el mixiote, los sopes, las quesadillas, las enchiladas, los chilaquiles, el mole de olla, los tamales de frejol, rajas, vedre, mole i keso, los nopales navegantes, la sopa de hongos, la sopa de malvas, la sopa de tortillas, los gualumbos i antigamente los indijenas komian karnes de zarigueya, zorriyo, pasharos silvestres, venado, pekari, godorniz, vivoro de kaskavel, raton kampero, konejos, indianos i patonas silvestres.
La influensia de los sefaradis en la kuzina de Tequixquiac es dentro del panbasho, atole de cajeta, mazapanes, bunyuelos, arroz kon leche, la barbacoa de kodrero i kasne de res kon guevo, ansina pan de trigo i guevadas. La influensia espanyola es mayor, ay aki chorizos, longanizas, keso de porko, morsiyas, tosinos, chicharrones, las carnitas i karnes asadas de porko, konejo, toro, indiano, poyo, godorniz, kodrero, chivo i pishkado. Endemas el konsumo de pan de trigo es huerte en esta rejion, ansina komo el kezo fresko, la krema, la mantekiya i leche bulgara.
-
Mole, arroz kolorado i chumberos -
Etamalli o tamales de frejol -
Gorditas i patatas -
Konejo asado -
-
-
.JPG?lang=lad)
.jpg?lang=lad)
.jpg?lang=lad)
Espor
.JPG?lang=lad)
.JPG?lang=lad)
La charreada es un espor antiko, erensia de los kolonialistas espanyoles i portugezos ke afinkaron en Tequixquiac, ansina es praktikada enel periodo kolonialo espanyol asta oy endia. Zon suertes de monta de kavayos persiguiendo al ganado, tambien se djuegan las eskaramuzas, suertes de djuego onde las mujeres trokan de kavayo durante la kompentensia. Los forkados zon otrunos ke djogan a perseguid el toro, es un suerte venido del Portugal ke se djoga enel belediye, anke agora poko ay praktika.
Otros esportes praktikados en Tequixquiac, zon el futbol, el basketbol, el voleibol, las karreras de bisikleta de montanya, el taewando, el judo, la natasion, el atletismo, el fronton i el beisbol.
Personas afamadas
- Hipólito Vera i Talonia, primero obispo de Cuernavaca.
Ver endemas
Bibliografia
- Bando Municipal de Policía y Buen Gobierno, 2008.
- La conquista espiritual en Tequixquiac, Miguel Ángel Olvera Vázquez et al. (El señor de la capilla) Enero-Marzo de 2007.
- Monografía Municipal de Tequixquiac, Pélaez Vásquez, Guillermina,, Toluca, 1986.
- Monografía Municipal de Tequixquiac, Rodríguez Peláez, María Elena, Toluca, 1999.
- El Refugio un lugar con historia, Rodríguez Reyes, María Jazmín, Tequixquiac, 2003.
Referensias
- ↑ Belediye de Tequixquiac SEDESOL, 15 de Mayo de 2017.
- ↑ Ecenarios del Centro Cultural Mexiquense Secretaria de cultura, 22 de Ochobre de 2017.
- ↑ INAH Deskripsion de un gueso tayado, de llama fosil.
- ↑ Ansiklopedya delos belediyes de Meksiko INAFED Belediye de Tequixquiac, 24 de dizyembre de 2017. (en lingua kastilyana)
- ↑ Belediyes meksikenses Governo del Estado de Meksiko, 28 de agosto de 2017. (en lingua kastilyana)
- ↑ Rodríguez Peláez, Maria Elena, Monografía municipal de Tequixquiac, Denominación y toponinimia, Instituto Mexiquense de Cultura, Toluca de Lerdo, 1999. p.p. 24.
- ↑ Enciclopedia de los Municipios de Mexico Estado de Mexico Tequixquiac 27 de May de 2007.
- ↑ CBT Alfonso León de Garay
Atamientos eksternos
