Leon Trotsky
Leon Trotskiy o Lev Trotskiy (en ruso i alefbet kirill Лев Троцкий; en ukrainio Лев Троцький) es el pseudonimo o nomvre de gerra tomado por Lev Davidovich Bronsteyn, un politiko revolusionario ruso, teoriko del marksizmo i kriado de la su eskola, yamada trotskizmo.
Nasio en el oblast de Herson (Imperio Ruso, oy en Ukraina) el 7 de noviembre de 1879 y hue amortado por el stalinizto Ramón Mercader el 21 de Ogusto de 1940 en su eksilio en Coyoacán (Sivad de Meksiko, Meksiko).
Emportante en los evenementos de la Revolusion Rusa, Trotsky izo parte del governo kuando el shefe era Lenin; organizo la Armada Kolorada sovyetika, la kuala gerreyo kon reushita en kontro de los menchevikos en la Gerra Sivil Rusa en los anyos 20. Ma dempues de morir Lenin, Stalin yego al pueder i Trotskiy gerreyo kon el i se hue al egzilio. En los anyos 1930 era un aktivo opozado de Stalin, aziendo kritikas a los akodros echos por este kon el Treser Reich de Adolf Hitler i es antonses mentado "enemigo mortal" del diktador ruso, el kalo izo ke fuese amortado.
