Dunkerque

Dunkerque

D'Stadhaus, Rigodon an der Fuesent,
de Memorial vun der Opératioun Dynamo,
d'Statu vum Jean Bart,
de Containerquai am Mierhafen,
d'Arrivée bei de Quatre jours de Dunkerque 2010
an d'Plage vu Malo-les-Bains.

Land

Frankräich

Regioun

Schabloun:Nord-Pas-de-Calais-Picardie

Departement

Nord

Arrondissement

Dunkerque

Kanton

Dunkerque-1
Dunkerque-2
Grande-Synthe

Postcode

59140, 59240, 59430, 59640, 59279

Gemengecode

59183

Koordinaten

51° 02’ 18’’ N
02° 22’ 39’’ O

Fläch

4 389 ha

Bevëlkerung

89.882 (1. Januar 2013)

Dunkerque ass eng franséisch Stad a Gemeng, Sous-préfecture vum Departement Nord. Mat 89.882 Awunner (1. Januar 2013) ass Dunkerque déi fënneftgréisst Stad an der Regioun Nord-Pas-de-Calais-Picardie. Se läit am Zentrum vun der Communauté urbaine de Dunkerque Grand Littoral, an där 17 Gemengen zesummegeschloss sinn, a woura ronn 200.000 Leit liewen. Dunkerque ass ausserdeem déi nërdlechst Stad a Frankräich, just 10 km vun der belscher Grenz ewech

Geschicht

D'Geschicht vun Dunkerque ass enk mam Nordmier verbonnen. Et gouf virun iwwer dausend Joer als Fëscherduerf, op enger Sandbänk, gegrënnt. Nodeems eng Kapell do opgeriicht gouf, krut et säin hollänneschen Numm: Duinkerk- "Düne-Kierch". Während senger Geschicht huet Dunkerque zu der Grofschaft Flandern, dem Kinnekräich Spuenien, dem engleschen a franséische Kinnekräich gehéiert. De 25. Juni 1658 huet d'Stad dräimol hir Nationalitéit gewiesselt. Nodeems de 27. Oktober 1662 de Louis XIV. et vum englesche Kinnek Charles II. ofkaaft hat, gouf Dunkerque definitiv franséisch. De Vauban huet et dann och huerteg zu enger imposanter Festungsstad ausgebaut. Zu där Zäit huet och de bekannte Korsar Jean Bart do gelieft. Während der Franséischer Revolutioun krut d'Stad den Numm Dune libre. Am Eischte Weltkrich gouf Dunkerque a säin Hafen uerg vun däitscher Säit bombardéiert. Am Laf vum Zweete Weltkrich, koum et do zu der Operatioun Dynamo an der Belagerung vun Dunkerque.

De Mierhafen (Grand port maritime de Dunkerque) ass deen drëttgréisste vu Frankräich an och dee gréissten Employeur. Eng jett Industrien hu sech do néiergelooss, wéi Arcelor Mittal, Air liquide, Europipe oder petrochemesch Installatiounen.

De Carnaval de Dunkerque ass iwwer d'Stad eraus bekannt, en zitt sech bal 2 Méint laang duerch d'Fueszäit.

Geographie

Kultur

Verkéier

Dunkerque läit no bei zwou Autobunnen, der A25 vu Bergues op Lille, an der A16/E40 vu L'Isle-Adam op d'belsch Grenz. Et läit och um Trajet vun der fréierer N1 (haut: D601 am Departement Nord), der N225 (déi d'A16 mat der A25 verbënnt) an der ex-N353 (zënter 2005: D625).

D'Gare vun Dunkerque huet eng direkt TGV-Verbindung mat der Gare Paris-Nord. Mat der TERGV kënnt een op d' Gare Lille-Europe, déi ë.a. en Eurostar-Uschloss fir op London oder Bréissel huet, an TGV-Verbindungen op Bordeaux, Lyon oder Marseille. 20 Mol den Dag huet een och eng Verbindung mat der Gare Lille-Flandres. Weider Verbindunge ginn et mat Calais an Arras (via Hazebrouck).

D'Gare vun Dunkerque ass, mat engem Traffic vu ronn 12 Milliounen Tonnen d'Joer, déi gréisst Marchanisë-Gare vu Frankräich.

De Kanal Dunkerque-Escaut verbënnt Dunkerque mat Valenciennes.

Kuckeswäertes

Den Tour du Leughenaer, (Tuerm vum Ligener) aus dem 15. Jh.
D'Kapell Notre-Dame-des-Dunes aus dem 15. Jh.
D' Kierch Saint-Éloi aus dem 16. Jh., mat enger neigotescher Fassad aus dem 19. Jh.
De Beffroi Saint Eloi aus dem 13. - 15. Jh. Uewendrop ass e Carillon mat 50 Klacken.
D'Porte de la Marine, eng Paart vun der Vaubansfestung.
Den Hafemusée am Bassin du Commerce
De Mémorial du Souvenir iwwer d'Schluecht vun Dunkerque an d' Operatioun Dynamo.
e puer Konschtmuséeën