Sjtókkem

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Wieldesj, es te dit dialek sjpriks.

---

Waegkruus in Sjtókkem

Sjtókkem (Nederlands: Stokhem) is 'n naobersjap van Wielder in de gemèngte Gölpe-Wittem in 't dal van de Guuël in Zuid-Limburg. ,,Sjtok beteikent bienao zieëker; sjtam, familie of verzameling, dink mer ins aa'nne sjtok bieije,'nne sjtok-vuuërraod of 'nne sjtok kate b.v.'t kaatslpel,,Sjtöksjke rape. 'T achterveugsel,,hem wies nao heim (heim)hoes of plaatsj. Ouwer sjriefwies zint: Stokkum, in 1399 Stochem, in 1840 Stockem.

Aan de dörpsjtraot richting de baende langs de Guuël liek ei aantal vakwerkhoezer. In gans Sjtókkem bevinge zich ongevaer 75 hoezer en häöf. Middenin de naobersjap, aan 'ne driejsprunk sjteit 'n verseerd sjmeediezere waegkruuts mèt crucifix en 2 ander heiligebeelde mèt 'ne Duutsje teks: "SO HAT GOTT DIE WELT GELIEBT DAS ER SEINEN SOHN DAHIN GAB 1886".
Aan der voot van der sjtiele doewe man, ('ne waeg, dae nao Berghäöf löpt), sjteit 'n modern Maria van Banneux-kapel. Op de helling aan dizze waeg liek d'r wiengaard Sjtokhemer wingerd.