Remunj

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

Remunj

Remunj (Roermond in 't Nederlands) is de veurnaamste sjtad van Midden Limburg. De gemeinte besjteit, behalve oet de sjtad Remunj zelf, oet de dörpe Herte, Neel, Azeraoj, Leve, Maerem en Ool. Remunj haaj op 1 juni 2005 45.041 inwoners. De sjtad is es residensie van de Limburgse biesjop ein belangreik religieus centrum.

Sjtadsgezich

De sjtad ligk aan de rivier de Roer, woaan het häöre naam ontleent, en de Maas, wo-in de Roer hiej oetkump. De sjtad haet väöl historiese geboewe. In dees biessjops-sjtad zeen det natuurlik allereers de kirke: de Gotiese Sint-Christoffel kathedroal oet de 15e eeuw en de Romaans-Gotische Munsterkirk oet de 13e eeuw. 't Sjtadhoes waerde in 1700 aafgeboewd. Ouch zeen nog sjtökker van de walmoer euvergebleve, wovan de Rattentore 't meist imposant is. In de omgaeving ligk nog Landjgood Hattem.

Historie

Vlag van Remunj

De bekinde hiestorie van Remunj begint in 1130: in det jaor waerde de sjtad veur 't eers geneumd. 'n Eeuw later begós mit de komst van ut klooster de religieus hiestorie van de sjtad. Later wird 't ouch ein hanjels-sjtad: es ein van de mindere sjtaei sjloot 't zich aan biej de Hanze. 't Waerde hoofdsjtad van 't Gelderse Euverketier en in 1559, biej de kirkelikke herindeiling van Nederland, auch nog biesjops-zaetel. In de Tachtigjaorige Oorlog wisselde 't meerdere keere van eigeneer, mer bleef oeteindelik in Sjpaanse henj, toet de sjtad van 1702 toet 1716 weer aeve biej de Noordelikke Nederlande heurt.

In de tied van de Belgiese opsjtand waar de sjtad Belsj, mer mit 't verdraag van 1839 kwaam ze zonger väöl meujte onger Nederland. Waal höbbe Remunjse notabele nog geprobeerd om Remunj, (in plaats van Mestreech), hoofdsjtad van Limburg te maake.

Nao de Tweede Waereldoorlog is de sjtad oetgegreujd door onger angere de anneksaasie van Neel en Herte. De inmiddels toet een middelgrote sjtad oetgegreujde plaats, kreeg in 1993 en 1995 te make mit euversjtruiminge, wo-biej deile van de bevolking geëvacueerd waerde.

Biesjops sjtad

Remunj is sinds 1559 (mit een ongerbraeking van 1801-1840) de zetel van het geliejknaamige biesdom. D'n huidige biesjop is mgr. F.J.M. Wiertz (sinds 1993). Ziene veurgenger mgr. Joannes Mathijs Gijsen kreeg lanjelikke bekendheid vanwege zien zeer orthodoxe sjtandpunte euver onger angere homofilie.

Aardbeving

In 1992 waas de sjtad 't epicentrum van 'n veur Nederland ongekind sjterke aardbeving mit ein krach van 5.5 op de sjaol van Richter. [1]

Gebaore in Remunj

• Pierre Cuypers (16 mei 1827 - 3 maart 1921), architect
• Charles Ruijs de Beerenbrouck (1 december 1873 - 17 april 1936), premier van Nederland (1918-1925 en 1929-1933)
• Louis Joseph Maria Beel (12 april 1902 - 11 februari 1977), premier van Nederland (1946-1948 en 1958-1959)
• Jo Cals (18 juli 1918 - 30 december 1971), premier van Nederland (1965-1966)
• Rogier Wassen (9 augustus 1976), tennisser

Externe link

• Officieel website van de gemeinte Remunj
• Site van de offisjeel vasteloaves-vereniging van Remunj, d'n Uul
• Ein sjtuk historie van Remunj