Veneto

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Regio van Italië Veneto
Hoofplaats	Venetië
Opperflaakde	18.264 km²
Inwoeners – Deechde	4.821.355 (31-12-2013) 262/km²
Provincies	Belluno, Padua, Rovigo, Treviso, Venetië, Verona, Vicenza
Aontal gemeintes	581
ISO 3166-2	IT-34

Veneto (Venetiaans: Vèneto) is 'n regio in Italië. De regio grens mèt de klok mèt aon: Oosteriek, Friuli-Venezia Giulia, de Golf vaan Venetië (Adriatische Zie, Middellandse Zie), Emilia-Romagna, Lombardije en Trentino-Zuid-Tirol.

Fysische geografie

De regio besteit oet drei deile:

• Berg in 't noorde (groofeweg de provincie Belluno) bestaond oet de oosteleke Dolomiete en de zuideleke Karnische Alpe.
• Liegvlakte mèt de groetste stei vaan de regio boe-oonder Venetië, Verona en [[Padua (stad)|Padua). In dit gebied weurt väöl wien verbouwd.
• De köstrook mèt lagunes en de delta van de rivier de Po.

Klimaat

't Klimaat varieert per gebied, vaan landklimaat op de vlakte tot 'n mild klimaat aon de kös en bij 't Gardameer. 't Liegland is dèks bedèk mèt mis.

Bestuurleke indeiling

De hoofstad van de regio is Venetië. De regio weurt opgedeild in zeve provincies:

Provincie/Metropilitaon stad	Aofkorting	Hoofstad	Aander belaankrieke plaotse
Belluno	BL	Belluno	Feltre, Cortina d'Ampezzo
Padua (Padova)	PD	Padua	Cittadella, Monselice
Rovigo	RO	Rovigo	Adria
Treviso	TV	Treviso	Conegliano, Vittorio Veneto
Venetië (Venezia)	VE	Venetië	Chioggia, San Donà di Piave, Jesolo, Portogruaro
Verona	VR	Verona	Legnago
Vicenza	VI	Vicenza	Bassano del Grappa