Venroj

Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Venrods, es te dit dialek sjpriks.

---

Ligking vaan Venroj in Nederlands Limburg

Venroj (officiële naom Venray) is 'n plaots en gemeinte in noordelik Nederlands Limburg, aon de raand vaan de Pieël. Op 1 januari 2006 woende hei 39.030 lui. 't Oppervlak vaan de gemeinte is 146,03 km²; väöl vaan dat gebeed is bos en heiland. De gemeinte besteit oet de kèrne:

• Aostrem (Oostrum)
• De Haej (Heide)
• IJselstein (Ysselstein)
• Kâssele (Castenray)
• Luëne (Leunen)
• Maersele (Merselo)
• Oeldere (Oirlo)
• De Smákt (Smakt)
• 't Väöle (Veulen)
• Venroj (Venray)
• De Vredepieël (Vredepeel)

't Dialek vaan Venroj behuurt tot de Kleverlandse dialekte, meh heet wel Limburgse kinmèrke. Binne de grènze vaan de gemeinte Venroj ligke veurnaom legerbases veur zoewel de lochmach es veur de laandmach.

Aonziech

Venroj is pas in de twintegste ieuw tot stad oetgegreujd; daorum heet de stad 'n echte dorpskèrn en 'n besjeie kèrk. De umgeving ten zuide is hendeg bosriek: dao ligk 't Nationaal Park de Groote Peel.

Rechs-extremisme

Venroj is de afgelope jaore inkel kere negatief in 't nuujs gewees vanwege rechs-extremistische aktiviteit. De gemeinte heet relatief väöl zoegenumde Lonsdale-jongere. Begin 2006 organiseerde de verboje groep Blood & Honour 'n kraanslègking op de Duitse oorlogsbegraafplaats Ysselsteyn.

Gebore in Venroj

• Dr. H.A. Poels, filantroop en preester

Externe link

• Website vaan de gemeinte
• DorpenVenray.nl Informatiesite euver de versjèllende kerne vaan Venroj