Krapoel

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Gulpesj, es te dit dialek sjpriks.

---

Vakwerkhaof in Krapoel

Krapoel, of Krapel (Nederlands: Crapoel) ies 'n buurtsjap van Gulpe in de gemeinte Gulpe-Wittem. De paar häöf en hoezer en 'ne pool, woa de naam nao verwies, zint gelege aan de waeg Crapoel in 't verlengde van de Gulpenerberg. In 2003 wone d'r in de 6 weuninge 15 luuj. Get liègeraaf, in 't dal, liek 't gehuch Peëzeke (Pesaken). Ouwer name van 't gehuch zint: Krapool, Krapault en Crapaalt.

Bezeenswaerdig

• 'n Paar Vakwerkboederieje.
• Haol waeg en bösj
• Twiè waegkruzer, woavan eint gemaak ies van brónze granaathölze nao de Twiède Waereldoorlog. 't Ander ies van sjmeediezer mèt 'n pietsjtang en 'ne hamer aan de dweersjbalk.