Vogeze
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Vogeze (Frans: Vosges, Alemannisch: Vogesen) zeen 'n rie aan middelhoeag berg in 't oeaste van Frankriek. Dees berg beginnen ane grens mit Zwitserlandj en strèkke zich nao 't naorde oet euvere wèstelike kantj van 't Riendaal innen Elzas. De rónj tuup vanne Groeate Vogeze waere ballons (bolvörmige berg) geneump.
Van 1871 toet 1918 leep door 't zudelik deil de grens tösse Frankriek en Duutsjlandj. Dao zeen versjillige geologische euvereinkómste tösse de Vogeze en 't Zwart Waad. De Vogeze bestaon veurnamelik oet graniet en roeaje zandjstein.