Talia

Articul per Ladin Gherdëina

Republica Taliana
Repubblica Italiana
Bandiera de Republica Taliana	Blason de Republica Taliana
Bandiera	Blason
Inn Il Canto degli Italiani


Inuem ufiziel	Repubblica Italiana

Rujeneda ufiziela	Talian^a

Capitela	Roma
Geografia
Spersa	302 068 km²^[1]
Ega	1,24
Demografia
Populazion	58 850 717 ab. (2023)^[2]^[3]
Densità	194,8 ab./km²
Cumpëida dla fertilità	1,2 (2020)^[4]
Guviern
Forma de guviern	Republica parlamentera unitera
Presidënt	Sergio Mattarella
Prim minister	Giorgia Meloni
Economia
PIB (numinel) • de ndut • a persona	(2021) $2 114 miliarc^[5] $35 927
PIB (VPC) • de ndut • a persona	(2020) $2 610 miliarc $44 350
Munëida	Euro (€)
CVN	22% ^[1]
Auter
Codesc Internet	.it
Prefis dl telefon	+39
Furnea a	man drëta
Codesc ISO 3166	IT

Indesc dl Svilup Uman	0,895^[6] (scialdi aut)

Coefizient Gini	35,2^[7] (mesan)

L tudësch ie co-ufiziel te Südtirol y tl Friul-Unieja-Giulia; L franzëus ie co-ufiziel te la Val d'Aosta; L sloven ie co-ufiziel te la provinzia de Triest, te la provinzia de Gorizia, y tl Friul-Unieja-Giulia; L ladin ie co-ufiziel te Südtirol, tl Trentin y te autri raions tl nord; L furlan ie co-ufiziel tl Friul-Unieja-Giulia; L sarde ie co-ufiziel te la Sardegna.^[8]^[9]

La Talia (talian: Italia, [iˈtaːlja] (scota su)), ufizielmënter la Republica Taliana^[10]^[11] (talian: Repubblica Italiana [reˈpubblika itaˈljaːna]) ie n paesc dl'Europa meridiunela y n cumëmber dl'Union Europea. Posizioneda tl zënter dl Mer Mediterran, iela ijuleda dal rest dl cuntinënt tres l massif dl'Elpes.

L cuntribut dla Talia ala zivilisazion uzidentela ie dastramb grand. La ie stata la cuna dl Empere roman y dla Renasciuda taliana. La Talia ie un di majeri atëures dla entraunides a livel internaziunel, cun si 60 milions de abitanc, fejela pert dla organisations internaziuneles plu imputrantes (Organisation dl Tratat de l Atlantich dl Nord, Union Europea, Grupa di Set).

Storia

Renascimënt

Rëni de Talia

Tl 1866 ova la Talia detlarà viera a l'Austria te na lianza cun la Pruscia y ova giatà l Veneto te la vënta. La trupes talianes fova marcedes ite a Roma tl 1870, metan fin a plu de mil ani dl guviern y pudëi dl Papa a Roma. La Talia fova deventeda pert de la lianza tripla cun l Mper Tudësch y l'Austria-Ungaria tl 1882, do defrënzia de minonghes cun la Franzia n cont de si respetives espansions colonieles.

Nce sce la relazions cun Berlin fova scialdi bones, la lianza cun Viena fova puramënter furmela, n gran pert davia che la Talia ova l nteres de giaté l Trentin y Trieste da l'Austria-Ungaria. Chësc ova purtà la Talia a azeté l nvit britanich a se junté ai Aleac ntan la Prima Viera Mundiela, ajache i ti ova mpermetù plu raions a cost de l'Austria-Ungaria de cie che Viena ti ova mpermetù per si neutralità. La vënta ti ova dat ala Talia na sënta permanënta te la Sozietà de la Nazions.

Tl 1922 ova Benito Mussolini deventà l prim minister de la Talia, scumencian na era dl guviern dl Partit Naziunel Fascist, cunesciuda coche la "Talia Fascista". I fascisc talians ova metù su n guviern totaliter y scancelà la oposizion politica y nteletuela, dajan gran suport ala modernisazion economica, valores soziei tradiziunei y se ova muet plu daujin ala dlieja catolica tres Tratac dl Lateran tl 1929 che ova furmà la Zità dl Vatican coche n stat sovran al post dl Stat de la Dlieja.

Ti ani 1930 ova l guviern fascist scumencià na pulitica fulestiera plu agressiva. Pra chësta tucova na viera contra l'Etiopia, scumenceda dala Eritrea Taliana, che ova purtà a si anescion;^[12] confrontazions cun la Sozietà de la Nazions che ova purtà a sanzions; crëscer de l'autarchia economica; la firma dl Pat de Acel.

Geografia

La 20 majera ziteies de la Talia

Economia

Pulitica

Spartizion aministrativa

La Talia ie spartida su te 20 regions. Chëstes ie i ënc aministratifs che ie sëura la provinzies y sota l guviern.

Lista de la regions

Liej de plu tl articul: Regions de la Talia

Chësta ie na tabela che mostra le regions te la Talia ai 1 de jené 2020.

Region	Capitela	Populazion (ab.)	Seuraspersa (km²)	Densità (ab./km²)	provinzies y ziteies metropolitanes^[13]	Chemuns
Lumbardia	Milan	10 027 602	23 863	420	Bergamo, Brescia, Como, Cremona, Lecco, Lodi, Mantua, Milan, Monza y Brianza, Pavia, Sondrio, Varese	1 506
Lazio	Roma	5 755 700	17 232	334	Frosinone, Latina, Rieti, Roma, Viterbo	378
Campania	Napoli	5 712 143	13 671	418	Avellino, Benevento, Caserta, Napoli, Salerno	550
Veneto	Unieja	4 879 133	18 345	266	Belum, Padua, Rovigo, Treviso, Unieja, Verona, Vicenza	563
Sizilia	Palermo	4 875 290	25 832	189	Agrigento, Caltanissetta, Catania, Enna, Messina, Palermo, Ragusa, Siracusa, Trapani	390
Emilia-Romagna	Bologna	4 464 119	22 453	199	Bologna, Ferrara, Forlì-Cesena, Modena, Parma, Piacenza, Ravenna, Reggio Emilia, Rimini	328
Piemont	Turin	4 311 217	25 387	170	Alessandria, Asti, Biella, Cuneo, Novara, Turin, Verbano-Cusio-Ossola, Vercelli	1 181
Puglia	Bari	3 953 305	19 541	206	Bari, Barletta-Andria-Trani, Brindisi, Lecce, Foggia, Taranto	257
Toscana	Firënza	3 692 555	22 987	162	Arezzo, Firënza, Grosseto, Livorno, Lucca, Massa y Carrara, Pisa, Pistoia, Prato, Siena	273
Calabria	Catanzaro	1 894 110	15 221	128	Catanzaro, Cosenza, Crotone, Reggio Calabria, Vibo Valentia	404
Sardenia	Cagliari	1 611 621	24 100	68	Cagliari, Sud Sardegna, Nuoro, Oristano, Sassari	377
Liguria	Genova	1 524 826	5 416	282	Genova, Imperia, La Spezia, Savona	234
Marche	Ancona	1 513 672	9 427	160	Ancona, Ascoli Piceno, Fermo, Macerata, Pesaro y Urbino	228
Abruzzo	L'Aquila	1 293 941	10 831	119	Chieti, L'Aquila, Pescara, Teramo	305
Friul-Unieja-Giulia	Triest	1 206 216	7 924	152	Gorizia, Pordenone, Triest, Udin	282
Trentin-Südtirol	Trënt	1 078 069	13 616	79	Bulsan, Trënt	215
Umbria	Perugia	870 165	8 464	103	Perugia, Terni	92
Basilicata	Potenza	553 254	10 073	55	Matera, Potenza	131
Molise	Campobasso	300 516	4 460	67	Campobasso, Isernia	136
Val d'Aosta	Aosta	125 034	3 261	38	deguna^[14]	74
Talia	Roma	59 641 488	302 121	197	107	7903

Ziteies

Liej de plu tl articul: Lista de la majera ziteies te la Talia

La majera zità de la Talia ie Roma che tl 2018 ova 2 837 332 abitanc tl chemun. La segonda majera ie Milan cun 1 396 059 abitanc tl chemun. Sce n cëla al raion metropolitan, po ie chël de Milan l majer de la Talia cun plu de 8 milions de abitanc (depënd da ulache n mët i cunfins), ntant sce l raion metropolitan de Roma à danter 4 y 5 milions de abitanc. Chësc ne ie nia da giamië cun la zità metropolitana de Milan, che ie n ënt aministratif y ie mëndra de la zità metropolitana de Roma.
La 10 majera ziteies de la Talia ie:

Posizion	Zità	Populazion 2011	Populazion 2019	Mudazion	Region
1	Roma	2 617 175	2 837 332	+8,41%	Lazio
2	Milan	1 242 123	1 396 059	+12,39%	Lumbardia
3	Napoli	962 003	962 589	+0,06%	Campania
4	Turin	872 367	870 952	−0,16%	Piemont
5	Palermo	657 651	657 960	+0,05%	Sizilia
6	Genova	586 180	574 090	−2,06%	Liguria
7	Bologna	371 337	390 625	+5,19%	Emilia-Romagna
8	Firënza	358 079	372 038	+3,90%	Toscana
9	Bari	315 933	322 316	+2,02%	Puglia
10	Catania	293 902	311 402	+5,95%	Sizilia