Ulama

Ulama (bahaso Arab: العلماء, har. 'urang-urang bailimu, cadiak candikia Islam'‎) adolah ahli agamo atau pamimpin agamo nan batugeh untuak malinduangi, mambina, sarato mambimbiang umaik Islam baiak dalam masalah-masalah agamo maupun masalah sahari hari nan diparaluan baiak dari sisi agamo maupun sosial masyarakaik. Mukasuik nan sabananyo dalam bahaso Arab adolah ilmuwan atau panaliti, kudian arati ulama tu barubah katiko diserap ka dalam bahaso Minang, nan maknonyo adolah subagai urang nan ahli dalam ilimu agamo Islam.

Arati ulama sacaro harfiah adolah “urang-urang nan mampunyoi ilimu”. Dari arati sacaro harfiah dapek disimpulkan baso ulama adolah:

1. Muslim nan manguasoi ilimu agamo Islam.
2. Muslim nan mamahami syarak Islam sacaro manyaluruah (kaaffah) bak cando tarangkum dalam Al-Quran jo as-Sunnah.
3. Manjadi taladan umaik Islam dalam mamahami sarato maamalkannyo.

Dalam adaik Minangkabau, tanamo pulo istilah alim ulama dek tamasuak dalam tungku tigo sajarangan. Istilah ko marupokan bantuak jamak dari ulama di Minangkabau.

Caliak pulo

• Imam