വുബി
 | |
 ഉബണ്ടു 8.04 വുബി ഇൻസ്റ്റാൾ ചെയ്യുന്നു | |
| വികസിപ്പിച്ചത് | Agostino Russo, Geza Kovacs, Oliver Mattos, Ecology2007 |
|---|---|
| ആദ്യപതിപ്പ് | ഏപ്രിൽ 24, 2008 |
| Stable release | 9.04
/ ഏപ്രിൽ 21, 2009 |
| റെപോസിറ്ററി | |
| ഭാഷ | NSIS script, C++, Python |
| ഓപ്പറേറ്റിങ് സിസ്റ്റം | Microsoft Windows |
| വലുപ്പം | 1.5 MiB |
| ലഭ്യമായ ഭാഷകൾ | Over 50 Languages |
| തരം | Ubuntu installer |
| അനുമതിപത്രം | GNU GPL [1] |
| വെബ്‌സൈറ്റ് | wubi-installer.org |
ഉബുണ്ടു ഓപ്പറേറ്റിങ് സിസ്റ്റം വിൻഡോസിനുള്ളിൽ ഇൻസ്റ്റോൾ ചെയ്യാനുള്ള ഔദ്യോഗിക സ്വതന്ത്ര ഇൻസ്റ്റോളറാണ് വുബി (Wubi - Windows-based Ubuntu Installer).
ഒരു സ്വതന്ത്ര പദ്ധതിയായി തുടങ്ങിയ വുബി ഉബുണ്ടുവിന്റെ 7.04, 7.10 പതിപ്പുകളിൽ അനൗദ്യോഗികമായി ലഭ്യമായിരുന്നു[2]. പതിപ്പ് 8.04 മുതൽ ഉബുണ്ടുവിനൊപ്പം ലഭ്യമാവാൻ തുടങ്ങി. 8.04 ആൽഫാ 5 പരീക്ഷണ പതിപ്പ് മുതൽ ലൈവ് സി.ഡി.യിൽ വുബി ഉൾപ്പെടുത്തി[1].
ഒരു വിൻഡോസ് ഉപഭോക്താവിന് യാതൊരു ഡേറ്റയും നഷ്ടപ്പെടുമെന്ന ഭയം ഉണ്ടാവാതെ തന്നെ ഉബുണ്ടുവുമായി പരിചയപ്പെടാനുള്ള അവസരം ഉണ്ടാക്കുക എന്നതാണ് വുബിയുടെ ലക്ഷ്യം[2]. വിൻഡോസിൽ നിന്ന് ഉബുണ്ടു നീക്കം ചെയ്യാനും വുബി തന്നെ ഉപയോഗിക്കാവുന്നതാണ്. വുബി ഒരു വിർച്വൽ മെഷീനോ ലിനക്സ് വിതരണമോ അല്ല, മറിച്ച് ഡിസ്ക്ക് ഇമേജ് രീതി ഉപയോഗിച്ച് ഉബുണ്ടു ഇൻസ്റ്റോൾ ചെയ്യുകയാണ് വുബി ചെയ്യുന്നത്[1] .
ഒരു പ്രത്യേക പാർട്ടീഷനിലേയ്ക്ക് ഉബുണ്ടു മാത്രമായി ഇൻസ്റ്റോൾ ചെയ്യണമെന്നുള്ളവർക്ക് യൂനെറ്റ്ബൂട്ടിൻ ഉപയോഗിക്കേണ്ടതാണ്[3]. വിൻഡോസിന്റെ ബൂട്ട് മെനുവിൽ വുബി ഉബുണ്ടു കൂട്ടിച്ചേർത്ത് പ്രത്യേക ഓപ്പറേറ്റിങ് സിസ്റ്റം പോലെ പ്രവർത്തിക്കുന്നതാണ്. വുബി ഉപയോഗിക്കുമ്പോൾ വിൻഡോസ് ഫയൽ സിസ്റ്റത്തിൽ ഉബുണ്ടുവിനായി ഒരു ഫയൽ (ഉദാ: c:\ubuntu\disks\root.disk) ഉണ്ടാവുകയും അതിലേയ്ക്ക് ഉബുണ്ടു ഇൻസ്റ്റോൾ ചെയ്യപ്പെടുകയുമാണുണ്ടാവുക. ഈ ഫയലിനെ ലിനക്സ് ഒരു പാർട്ടീഷനായി കണക്കാക്കുന്നതാണ്[1]. വിൻഡോസ് ഫയൽ സിസ്റ്റത്തിൽ വുബി ഒരു സ്വാപ് ഫയലും സൃഷ്ടിക്കുന്നുണ്ട് (ഉദാ: c:\ubuntu\disks\swap.disk). സ്വാപ് ഫയൽ റാമിന് ഒരു സഹായമായി പ്രവർത്തിക്കുന്നു[1].
ലുബി എന്ന പേരിൽ വിൻഡോസിനു പകരം ലിനക്സ് ഉപയോഗിക്കുന്ന ബന്ധപ്പെട്ട പദ്ധതി നിലവിലുണ്ട്. അതുപോലെ മാക് ഓ.എസ്. ആതിഥേയ ഓപ്പറേറ്റിങ് സിസ്റ്റം ആയി ഉപയോഗിക്കുന്ന മുബി എന്ന പദ്ധതി ഭാവിയിൽ ഉണ്ടാകും[1].
അവലംബം
- ↑ 1.0 1.1 1.2 1.3 1.4 1.5 "Wubi - FAQ". Wubi. Archived from the original on 2007-06-26. Retrieved 2007-06-23.
- ↑ 2.0 2.1 Broida, Rick (2007-05-09). "Take Ubuntu for a non-invasive test drive with Wubi". Lifehacker. Archived from the original on 2014-01-22. Retrieved 2008-05-30.
- ↑ Geza Kovacs (tuxcantfly) (2007-04-29). "Install Ubuntu without a CD". Ubuntu. Retrieved 2007-07-31.
{{cite web}}: Check date values in:|date=(help)
|
കമ്പ്യൂട്ടർ സോഫ്റ്റ്‌വെയറുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |