Siletz

De Siletz weern en in den hüüdigen US-Bundsstaat Oregon levend indiaansch Stamm. Se hörrn kulturell to de Küsten-Salish, deren südlichste Vertreter se weern, un snacken deen se den Lekwungen-Dialekt. De Bedüüden vun hör Naam is nich bekannt.

Af 1856 wurrn se nah den Rogue-River-Kriegen tosammen mit tallriek anner Stämme in en Reservat umsiedelt, dat nah un nah lüttger maak un 1956 sluutend ganz uplööst wurr. Eerst 1977 bzw. 1980 kunnen de konfödereerten Stämme de Anerkennung as Indianerstamm un en nee Reservat dörsetten. Hüüd sünd de naamgeven Siletz in den konfödereert Stämmen vun de Siletz-Indianer vun Oregon upgahn.

Geschichte

Fröhgeschichte

De südlich vun den Columbia leven Siletz hemm Kanus vun den Typ baut, den ok de Chinook baut hemm. Hör Levensgrundlaag bill de Fischfang, as dat för all Küsten-Salish-Gruppen begäng weer, aber hör Rebeet harr kien Lachsvörkommen to beeden. Hör typisch Bagen bestunn ut dat Holt vun de Pazifische Eibe, en tüschen Alaska un Kalifornien wassen Boomaart. De Jagd up grötter Wild, as Elche, hemm se mit Fallgruben maakt.

Reservat, Epidemien, Uplösen vun dat Reservat un de Stammesgrupp

De Siletz wurrn in de Siletz Reservation umsiedelt, aber se kunnen sück nich an de updwungen buerlich Levenswies anpassen. Dorto keem, dat Kuntakte mit Witten faken katastrophale Folgen harrn. So ergeev dat eerste Tellen in dat Reservat, dat blots noch 21 Siletz leven deen. Wohrschienlich geev de datt um 1890 all nich mehr as Stamm (tribe), aber 1930 tell man noch 72 Individuen, de as Siletz gullen. Se hemm mit verscheeden anner Stämme tosommen leevt, de söss verscheeden Spraakgruppen anhörrn deen, de vör allen af 1856 nah den Rogue-River-Kriegen in dat nee Reservat verfracht wurrn weern, un in de se upgahn deen.

Dat an‘ 9. November 1855 inricht Reservat sull all as Kriegsfangene ansehn Indianer vun disse Kriege upnhmen un kreeg de Naam Coast Reservation (Küstenreservat). All um 1860 wurr dat meest „Siletz“ nömmt. För eenig Stämme, de man räumlich trennt hull, entstunnen Ünneragenturen vun de Indianeragentur. In dat eerst Johr vun dat Reservat sünd Hunnerte verhungert oder an Krankheiten storven. De Reservatsverwalten funktschoneer so schlecht, dat dat to Verdeelenskämpe keem, de bit 1859 to rund 100 Doodsfälle führen dee. Um de Kämpe zu verhinnern un de Indianer vun de Flucht ut dat Reservat aftohollen, wurrn twee Forts upricht: Fort Hoskins in dat Kings Valley un Fort Yamhill dicht bi Valley Junction, dat allerdings 1866 all weer upgeven wurr. Dat wiels de Rogue-River-Kriege inricht Fort Umpqua an de Münnen vun den Umpqua River wurr all 1862 upgeven. Neben de Krankheiten un de katastrophal Versörgenslaag is den Siletz ok de ständige Belästigung vun hör Fruen dör Armee- un Milizangehörige in't Gedächtnis bleeven.

Af 1865 kemm dat dör verscheeden Erlasse to en Minneseeren vun dat Reservat vun anfangs 1.383.000 Acre up 7.900 bit to’n Tietpunkt vun dat Uplösen vun dat Reservat 1954. Af den 1870er Johren hemm sück vör allen Methodisten as Missionare betätigt. De Kinner wurrn af 1879 in en Reservatsschool schickt, in de blots Engelsch snackt wurrn drüff. Um 1900 weern de Spraaken vun de oorsprünglich Stämme all utstorven. Eerst 1871 wurr de Utpietschpaal vun den Indianeragenten un General Joe Palmer wegnommen, an de as upsternaatsch gellen Indianer bestraft wurrn.

De Hööftlinge harrn kien Infloot mehr un wurrn dör wählt Räte un Gesworene (Jurys) ersett.

Noch in de 1930er Johren hemm de Siletz um Weddergootmaaken för dat vun hör nommen Rebeet vör dat United States Court of Claims (Case No. 45230) klaagt. In‘ April 1935 hemm vun de 233 Indianer vun de Siletz Reservation blots för de Annahm vun den Indian Reorganization Act stimmt, 123 dorgegen.

1956 hett de US-Kongress faststellt, dat dat kien Indianerstamm in‘ Westen vun Oregon geev. Dormit verschwunnen up en Slag 43 Stämme. De meest in Subsistenzwertschap leven Indianer sullen nu Stüern betallen, wat de Afwannern un den Verkoop vun hör Besitt vörandreev.

Anerkennung vun de Stammesgrupp

In‘ Harvst 1973 hemm sück rund 200 Siletz tosommendaan un en Raat bildt. Se hemm de Rückgaav vun dat Stammesstatur fordert un hemm fastsett, dat en blood quantum, also en Mindesttall an indiaansch Vörfohren oder en entspreekend „Blootandeel“ vun een Achtel recken sull, um dissen Status to hemm. An‘ 18. November 1977 kreegen de Confederated Tribes de Anerkennung as Indianerstamm, de US-Präsident Jimmy Carter ünnerschrieven dee. An‘ 4. Oktober 1980 kreeg de Stammesgrupp, de sück nu Confederated Tribes of the Siletz Indians of Oregon nömmen dee, en nee Reservat in‘ Lincoln County, dat 3.630 Acre umfaaten dee.

Bit hüüd wurrd jedes Johr in de tweet Novemberhälft dat Siletz Restoration Powwow fiert, en Veranstaltung to Erinnerung an de Wedderherstellung vun dat Reservat.

Aktuelle Situatschoon

2006 befunnen sück rund 4400 Minschen up de Stammesroll. De Stamm bedrifft siet 1995 dat Chinook Winds Casino, dat 2005 düchtig vergröttert wurr, un en Golf-Parcours mit anslooten Hotel- und Campingkomplex mit Naam Chinook Winds Golf Resort in Lincoln City. Buterdem gifft dat en Krankenhuus, de Siletz Community Health Clinic. 2007 hett de Stamm de Upgaav övernommen, dat New Carissa Oil Spill Natural Resource to führen, dat vör allen den seltenen Marmelalk (marbled murrelet) schuulen sall.

Literatur

• Robert H. Ruby, John A. Brown: A guide to the Indian tribes of the Pacific Northwest (= The Civilization of the American Indian Series. Bd. 173). Revised edition. University of Oklahoma Press, Norman OK u. a. 1992, ISBN 0-8061-2479-2, S. 202.

Weblenken

• Website der Confederated Tribes of the Siletz Indians of Oregon
• Siletz Indian Tribe, Rechtssammlung
• Confederated Tribes of Siletz Indians

Kiek ok

• List van Indianer up de noordamerikaansche Kontinent