Ruun

Een Ruun (Wallak)

Een Ruun of Wallak is een Hingst (van Hiesen, Esels of anner Deerten , wat to dat Geslecht van de Peer tobehöört), de kastreert is, dat heet een Hingst, wor de Klöten van wegnahmen sünd. Dat Woord Wallak bedüüdt soveel as een Peerd, wat kastreert is nettso as de Peer uut de Walachei.. Ruun bedüüdt kastreert.

Dör de Kastratsschoon verlüst de Hingst sien Vermögen, Fahlen to tügen. Man ook sein Beren warrt tomehrst anners. De Hormons binnen dat Deert annert sück en de Deerten warrt kalmer en geruhiger. So warrt it öder, se in een Heerd to integreern.

Wenn slichts een van de Klöten wegnümmt warrt, ümdat – wat geböhren kann - de anner Klööt nich macklich to reken is, denn warrt dat Deert ook unfruchtbor, man it annert sein Beren nich.

Bi de Kastration warrt dat Deert - en in Sünnerheed ook de Klöten - bedooft. Dor sünd twee Weeg, een Peerd to kastreren: It kann stahn of liggen. Wenn dat Deert liggt, is dat feliger. Dor is alltieds de Gefohr, dat dat Deert – ofschoonst bedwelmt – noch trappt. Liggt dat Peerd, köönt de Beens mit Lichten tohoopbunnen warrn. So kann it nich mehr trappen. De Ingreep duurt sowat een Quartier. De Wund warrt achter de Operatschoon nich tohoophecht. Want so kann de apen Snittsehr jeder Dach schoon spöhlt warrn. It duurt sowat dörtig Daag, bitdat de Hingst nich mehr fruchbor is nah de Ingreep. Föör dor blifft noch fruchtbor Material in dat Deert trüch nah de Ingreep.

De Kastraion warrt uutföhrt tomehrst bi Enters of Twenters.