Diskuschoon:Otto Groote

Geiht dat hier egentlich mit rechten Dingen to? Wenn Naams ännert warrt, denn schüll man villicht en Born angeven. Un nochmol: Lenken, de funkschoneert schüllt doch bitte schön in’n Text stahn blieven. Oder mööt wi den Artikel nu schulen? --Iwoelbern 21:29, 7. Nov. 2008 (CET)

Kiek di mol Slomox sien Version vun 31. Oktober an. De IP-Nr. 91...mutt dor woll wat gegen hebben. Unner Umstänn mutt he sparrt weern, wenn he nich angifft, worüm he dat jummers wedder ännert.--Bolingbroke 21:56, 7. Nov. 2008 (CET)

Schient een wat gegen den Naam to hebben. Dat is aver jümmer noch keen Grund, de richtigen Lenken rut to nehmen. Un so langsom fraag ik mi, wat dat allens Hand un Foot hett, wat dor nu rinschreven worrn is. Born is keen angeven --Iwoelbern 22:03, 7. Nov. 2008 (CET)

Also eens is al mol klor: De plattdüütsche Naam is Osterfehn, so warrt dat sogor op de Gemeen-Websteed vun Ostrhauderfehn schreven, un de schülln dat nu egentlich an’n Besten weten. De Fragg is, wat mit den Rest warrt. Ik weer meist dorför, den helen Kram vun de IP wedder torüchtodreihn, wenn dor keen Borns to to finnen sünd. --Iwoelbern 22:12, 7. Nov. 2008 (CET)

De IP is Bruker:Marba. Se hett mi över mien Brukersied en E-Mail tostüürt un fraagt, wat ik ehr nich ehrn hoochdüütschen Text över Groote in plattdüütsche Bookstaven ümsetten kann. Heff ik reinweg aflehnt. 'Keen Plattdüütsch as Moderspraak hett, heff ik meent, schall sik tominnst doch mal versöken, so swoor is dat Schrieven ok op Platt ja nich. Aver ik will ehr geern noch mal schrieven un ehr seggen, dat se Oosterfehn bruken schall. --::Slomox:: >< 19:17, 8. Nov. 2008 (CET)

Den kannst Du ok noch mol dorop henwiesen, dat jo geern ok annere Schrievwiesen bruukt warrn künnt, man de richtig verlenkten Sieten schon ok in’n Lenk binnen blieven schüllt. --Iwoelbern 19:28, 8. Nov. 2008 (CET)