Seychellen

De Seychellen bunt n laand en archipel noordelek van Madagaskar in den Indiesen Oceaan, rundumme 1600 km oostelek van et Afrikaanse kontinent. De Seychellen bestoat uut zo'n 115 eilaanden. Minder as n daarde doarvan is bewond. Van de inwonners wont rundumme 90% op et heufdeilaand Mahé. Mahé is 27 kilometer lange en tussen de 3 en 8 kilometer breed. De heufdstad Victoria ligt ok op dit eilaand.

De eerste bewonners van den Seychellen waren piroaten en et verhaal geet dat den beruchten piroat Olivier Levasseur - bi-j-enaamd "den boezerd" - nen schat op Mahé achter-eloaten hef.