Marian Keyes
Marian Keyes, fødd 10. september 1963, er ein populær irsk forfattar, sett på som ein av grunnleggjarane av forteljingar som handlar om unge, einslege, yrkesaktive kvinner, på engelsk kalla «chick lit». Den første romanen hennar, Watermelon, vart utgjeven i Irland i 1995. Seinare har ho gjeve ut sju andre romanar og to samlingar faglitteratur, og bøkene hennar er omsette til 30 språk og selde i tilsaman 15 millionar eksemplar.
Biografi
Marian Keyes vart fødd i Limerick i Irland, og vaks opp i Dublin. Ho tok ein juridisk eksamen ved University College Dublin, drog så til London der ho først fekk arbeid som servitør, seinare som bokhaldar. Der byrja ho å skriva noveller, men fekk ikkje desse utgjevne, utgjevaren ville heller at ho skreiv ein roman. Ho skreiv då romanen Watermelon (Vannmelon), og karriæren som forfattar var i gang.
Utgjevingar
Romanar
- Watermelon (1995) (på norsk: Vannmelonen, Egmont bøker, ISBN 82-04-07338-0)
- Lucy Sullivan is Getting Married (1996) (Denne romanen er blitt ein fjernsynsserie).
- Rachel's Holiday (1998)
- Last Chance Saloon (1999) (på norsk: De desperates café, Damm, ISBN 82-04-09798-0)
- Sushi for Beginners (2000) (på norsk: Sushi for nybegynnere, Damm, ISBN 82-04-09691-7)
- Angels (2002) (på norsk: Engler i LA, Damm, ISBN 82-04-10666-1)
- The Other Side of the Story (2004) (på norsk: En sak har alltid tre sider, Damm, ISBN 978-82-04-12462-3)
- Anybody Out There? (2006) (på norsk: Er du der ute?, Damm, ISBN 978-82-04-12473-9)