Snøleopard
| Snøleopard | ||
|
| ||
| Systematikk | ||
| Rike: | Animalia | |
| Rekkje: | Chordata | |
| Klasse: | Mammalia | |
| Orden: | Carnivora | |
| Familie: | Felidae | |
| Slekt: | Panthera | |
| Vitskapleg namn | ||
| Panthera uncia | ||
Snøleoparden (Panthera uncia eller Uncia uncia) er eit stort kattedyr som lever i fjellområde i Asia. Han er tilpassa det harde klimaet med ein varm og fin pels som med tida har ført til at dyret har vorte truga av utrydding.
Skildring
Snøleoparden har gråkvit, tett pels med svarte eller brune flekkar. Han er 120-150 cm lang, og har ei etter måten lang hale i høve til kroppen. Vekta overstig sjeldan 75 kg. Han skil seg frå andre store kattedyr ved å ikkje kunne brøla og å eta byttet sitt i samankropen stilling.
Levevis
Snøleoparden er ein nattaktiv, einslig jeger utanom i paringstida, då dei jaktar i par. Byttet består hovudsakleg av ulike fjellpattedyr som villsau, steinbukk og ymse hjortar og smågnagarar. Som hjå dei fleste andre kattedyr er jakta basert på sniking.
Paringstida vert gjennomført på seinvinteren. Seint på våren vert så ungane fødde, som regel i kull på 2-4. Dei opnar augo etter halvannan veke, og lever i lag med mora det påfølgjande året.
Kjelder
- Verdens dyr, Cappelen 1985
- «Snow Leopard» på Engelsk Wikipedia
Bakgrunnsstoff
Wikimedia Commons har multimedia som gjeld: Snøleopard