Te Anau
| Te Anau | ||
|---|---|---|
 | ||
| Styresmakter | ||
Land  New Zealand
|
||
| Geografi | ||
| Innbyggjarar - By (2006) |
1 902[1] | |
| Koordinatar | 45°25′S 167°43′E / 45.417°S 167.717°E | |
| Tidssone | +12 (UTC) | |
| Plassering | ||
  | ||
Te Anau er ein by i Southland District på Sørøya på New Zealand. Han ligg på austbreidda til innsjøen Lake Te Anau i Fiordland. Lake Te Anau er den største innsjøen på Sørøya, og den nest største på New Zealand etter Lake Taupo. Ved folketeljinga i 2006 var innbyggjartalet i byen 1 902. Byen har mange overnattingsstadar, med over 3 000 tilgjengelege senger i sommarsesongen.
Turisme og jordbruk er dei viktigaste næringsvegane i distriktet. Då byen ligg ved grensa mot nasjonalparken Fiordland National Park, er han innfallsporten til eit villmarksområde kjent for fotturisme og vakkert landskap. Mange fugleartar held til her, mellom desse den trua Takahe, ein fugl i riksefamilien, som ein kan sjå i Fiordland Wildlife Park.
Te Anau har vegsamband med Invercargill i søraust, Queenstown mot nordaust, Gore mot aust og Manapouri mot sør. I Te Anau startar hovudvegen Milford Road, som går til Milford Sound, som ligg 120 km mot nord.
Galleri
-
Ein Takaheskulptur i Te Anau -
Lake Te Anau om kvelden
Referansar
Bakgrunnsstoff
- Destination Fiordland- den regionale turismeorganisasjonen for Fiordlandregionen.
- FiordlandNZ.com (vevside for turistinformasjon og booking.)
- Historiske bilete frå Te Anau frå samlingane til Museum of New Zealand Te Papa Tongarewa
- Denne artikkelen bygger på «Te Anau» frå Wikipedia på engelsk, den 18. august 2011.