Klassekampen

Klassekampen
Type	Dagsavis
Org.nummer	925350605
Format	Tabloid
Grunnlagd	1969
Eigarar	Raudt (20%), Klassekampens Venner (15), Fagforbundet (15), Oktober forlag og Pax forlag (10), Industri Energi (5), småaksjonærar (35)
Grunnlegger(ar)	Pål Steigan
Redaktør(ar)	Bjørgulv Braanen
Språk	Norsk
Politisk posisjon	Sosialistisk
Opplag	16 353 (2012)
Hovudkvarter	Oslo
Nettstad	www.klassekampen.no

Klassekampen er ei meiningsberande dagsavis for venstresida i norsk politikk. Avisa vart grunnlagd i februar 1969 som ei månadsavis. Ho har utvikla seg til ei uavhengig venstre-radikal avis med fylgjande føremålsparagraf:

Avisa Klassekampen skal drive en seriøs, kritisk journalistikk, med allsidige politiske og økonomiske avsløringer av utbytting, undertrykking og miljøødeleggelser – samt inspirere og bidra til ideologisk kritikk, organisering og politisk kamp mot slike forhold, ut ifra et revolusjonært, sosialistisk grunnsyn.

Ansvarleg redaktør (2010) er Bjørgulv Braanen og dagleg leiar er Marga van der Wal.

Avisa vart altså grunnlagd i 1969, omtrent samtidig som striden i Sosialistisk Folkeparti (SF) (no Sosialistisk Venstreparti) tilspissa seg. Avisa vart talerøyr for ungdomsorganisasjonen SUF(m-l) (seinare Arbeidernes Kommunistparti (AKP)) som då braut ut av SF. I januar 1973 gjekk avisa over til å bli ei vekeavis. Ho gjekk då også over til å bli det formelle organet for det nystifta partiet AKP (m-l). Frå januar 1976 gjekk dei over til å gje ut to aviser i veka, og sidan 1. april 1977 gjekk dei over til daglege utgjevingar.

Frå 1991 har avisa vore ei uavhengig venstresideavis.

Avisa har hatt ei rekkje ulike redaktørar opp gjennom åra, den mest kjende er truleg forfattaren Jon Michelet.

Avisa Klassekampen er oppatt-kalla etter organet til Norges Socialdemokratiske Ungdomsforbund, stifta i 1903.

Avisa har ein relativt stor del av stoffet sitt på nynorsk.

Redaktørar

Jon Michelet, redaktør frå 1997 til 2002.
Foto: John Erling Blad

• Anders M. Andersen 1969
• Anders M. Andersen og Finn Aasheim 1969
• Finn Aasheim 1969
• Finn Aasheim og Sigurd Allern 1969- 1970
• Sigurd Allern 1970 -1972
• Finn Sjue 1973- 1977
• Egil Fossum 1977-1978
• Egil Fossum og Sigurd Allern 1978-1979
• Sigurd Allern 1979-1995
• Paul Bjerke 1995-1997
• Jon Michelet 1997-2002
• Bjørgulv Braanen 2002-

Opplag

Netto opplagstal - frå Mediebedriftenes Landsforening:

1980: 7 219 1981: 7 633 1982: 7 920 1983: 7 920 1984: 8 008 1985: 7 780 1986: 8 020 1987: 8 110 1988: 8 185 1989: 8 449 1990: 8 206 1991: 9 232 1992: 10 042 1993: 9 692 1994: 9 822 1995: 9 103

1996: 7 796 1997: 8 087 1998: 6 506 1999: 6 477 2000: 6 557 2001: 6 648 2002: 6 929 2003: 7 178 2004: 7 512 2005: 8 759 2006: 10 109 2007: 11 386 2008: 12 109 2009: 13 265 2010: 14 390 2011: 15 390 2012: 16 353

Utviklinga i Klassekampens nettoopplag.

Litteratur om Klassekampen

• Rune Ottosen og Bjørn Westlie, Da «Klassekampen» ble dagsavis, i Tvedt, Terje, (ml) : en bok om maoismen i Norge. Oslo 1989, Ad Notam. ISBN 82-417-0023-7
• Alf Skjeseth: Sykle på vatnet - historia om Klassekampen. Samlaget, Oslo 2011. ISBN 978-82-521-7538-7

Bakgrunnsstoff

• Klassekampen.no
• Klassekampen.no om Klassekampens historie
• Tidlege nummer av Klassekampen i pdf-format
• Om oppbygginga av Klassekampen i Erling Folkvord si bok Rødt
• Om Klassekampen-striden i 1997 i Erling Folkvord si bok Rødt!
• «Vi som bryr oss om avisa Klassekampen» (Facebook)
• KK-forum

Kjelder

Denne artikkelen er ei spire. Du kan hjelpe Nynorsk Wikipedia gjennom å utvide han.