Snåsa kommune
Snåsa kommune | |||
kommune | |||
|
|||
Land | Noreg | ||
---|---|---|---|
Adm.senter | Snåsa | ||
Areal | 2 342,66 km² | ||
• vatn | 182,7845486295172, 187,25 km² | ||
Målform | bokmål, nynorsk | ||
Norsk målform | Nøytral | ||
Samisk språk | Sørsamisk | ||
Ordførar | Vigdis Hjulstad Belbo (2003– 2015), Tone Våg (2015– 2019) (Sp) | ||
Kommunenr. | 1736 | ||
Snåsa 64°14′46″N 12°22′59″E / 64.24606°N 12.38298°E | |||
Kart som viser Snåsa kommune.
| |||
Wikimedia Commons: Snåsa | |||
Nettstad: www.snasa.kommune.no |
Snåsa (sørsamisk Snåase) er ein kommune i Nord-Trøndelag fylke som grensar til Steinkjer, Verdal, Lierne, Grong og Overhalla. Han ligg nær det geografiske midtpunktet i Noreg.
Han er eit kjerneområde for sørsamisk, og 3-4 % av innbyggjarane står i Samemanntalet. Snåsa vedtok i september 2004 å ha både norsk og sørsamisk som administrasjonsspråk, og 1. januar 2008 vart kommunen, som den første, innlemma i Forvaltningsområdet for samisk språk, og dermed offisielt tospråkleg.[1]
Natur
Sentrum ligg ved den nordaustre enden av Snåsavatnet, som er den sjette største innsjøen i Noreg. Det er eit av over 2 500 fiskevatn som finst i kommunen. Nesten halvparten av kommunen er lagt ut som nasjonalpark. Snåsa er den nordlegaste staden i Noreg for fleire planteartar, som svart-or, fruesko og myrkongle.
Orkideen marisko er avbilda i kommunevåpenet.
Næring
Næringslivet i Snåsa er i stor grad landbruk, med industri utvikla med utgangspunkt i naturprodukt i kommunen, som tømmer og stein.
Kommunen er eit trafikknutepunkt som både Europaveg 6 og Nordlandsbanen går gjennom.
Verd å vitja
- Bergsåsen naturreservat på ein kalkrygg sentralt i Snåsa
- Blåfjella-Skjækerfjella Nasjonalpark
- Gaundalen og Gjefsjø, to av tre norske fjellgardar som framleis er i drift
- Finsås, skogmuseum
- Megard kyrkestad, som har ei kjelde som skal vera signa av Heilag-Olav
- Saemien Sijte, kultursenter for den sørsamiske kulturen
- Snåsa Bygdemuseum i Viosen
- Snåsa kyrkje, ei steinkirke der dei eldste delane er frå det 13. hundreåret