Kantonen Schaffhausen

	Schaffhausen
	Schaffhouse, Sciaffusa, Schaffusa
	kanton
	Symbol
	Symbol
	Forkorting: SH
Land	Sveits
Del av	Aust-Sveits, Northeastern Switzerland
Hovudstad	Schaffhausen
Høgaste punkt	Hagen
• høgd	912 moh.
Areal	298,42 km²
Folketal	81 991 (31. desember 2018)
Kanton sidan	1501
	; Kantonen Schaffhausen; 47°43′00″N 8°34′00″E / 47.716666666667°N 8.5666666666667°E
	Kart som viser Kantonen Schaffhausen. Kart som viser Kantonen Schaffhausen.
	Wikimedia Commons: Canton of Schaffhausen

Schaffhausen er den nordlegaste kantonen i Sveits. Han har eit areal på 298 km2 og hadde 82 000 innbyggarar i 2018. Byen Schaffhausen er hovudstad i kantonen.

Schaffhausen er den einaste kantonen i Sveits som praktiserer røysteplikt.

Geografi

Kantonen er både i vest, nord og aust omkransa av delstaten Baden-Württemberg i Tyskland. Schaffhausen har grense til kantonane Zürich og Thurgau. Nesten heile kantonen ligg på nordsida av Rhinen, som er grenselinje mellom Schaffhausen og dei førnemnde kantonane. Schaffhausen består av tre åtskilde landområde, eitt stort og to små. Dei to små ligg høvesvis i aust og i sør for hovudområdet. Ramsen og Stein am Rhein ligg i aust, medan Rüdlingen ligg i sør. Ein tysk enklave, Büsingen am Hochrhein, ligg inneklemt mellom kantonane Schaffhausen, Thurgau og Zürich. Størsteparten av kantonen ligg på eit platå, der høgste punktet er 912 meter over havet.

Demografi, språk og religion

21,9% av innbyggarane er utanlandske statsborgarar. Tysk er offisielt skriftspråk og dominerande talemål i Schaffhausen, den lokale dialekta høyrer til høgalemannisk. 50% av innbyggarane er knytt til protestantiske kyrkjesamfunn, medan 24% soknar til den romersk-katolske kyrkja.

Kommunar

Schaffhausen er i 2011 delt inn i 27 kommunar; Bargen, Beggingen, Beringen, Buch, Buchberg, Büttenhardt, Dörflingen, Gächlingen, Guntmadingen, Hallau, Hemishofen, Lohn, Löhningen, Merishausen, Neuhausen am Rheinfall, Neunkirch, Oberhallau, Ramsen, Rüdlingen, Schaffhausen, Schleitheim, Siblingen, Stein am Rhein, Stetten, Thayngen, Trasadingen og Wilchingen.

Historie

Byen Schaffhausen gjekk i 1454 inn ein allianse med seks av kantonane i det sveitsiske eidsforbundet. Alliansen vart i 1478 også omfatta Uri og Unterwalden. År 1501 gjekk Schaffhausen inn i det sveitsiske eidsforbundet og vart ein eigen kanton.