Outside the Dream Syndicate

Outside the Dream Syndicate Studioalbum av Tony Conrad og Faust
Utgjeve	1973
Innspelt	Wümme i Bremen i Tyskland Oktober 1972
Sjanger	Eksperimentell, minimalist, bordun
Lengd	53:36
Selskap	Caroline
Produsent	Uwe Nettelbeck
Faust-kronologi
The Faust Tapes (1973)	Outside the Dream Syndicate	Faust IV (1973)

Meldingar
Karakter
Kjelde	Karakter
AllMusic
Pitchfork	9.0/10

Outside the Dream Syndicate er det fjerde studioalbumet til den tyske krautrock-gruppa Faust, gjeve ut i eit samarbeid med den amerikanske avantgarde-komponisten Tony Conrad. Det var den første og einaste utgjevinga til Conrad på mange år, og er eit av dei mest kjende verka hans. Det er vert rekna som ein klassikar innan minimalist- og bordunmusikk. Pitchfork skreiv «for ei stund på Outside the Dream Syndicate gløymer ein kva som faktisk rører på seg og kva som står i ro.»

Den originale plata bestod av to komposisjonar på 26-27 minuttar kvar. Albumet vart digitalt ommastra i 1993 og gjeve ut på CD av Table of the Elements med eit ekstra 20 minuttar langt bonusspor, som ikkje var gjeven ut før.

Bakgrunn

I midten av 1960-åra var Tony Conrad medlem av The Dream Syndicate, ei amerikansk gruppe som spelte eksperimentell musikk og bordunmusikk.

I New York City møtte Conrad ein filmskapar frå Hamburg i Tyskland, som fortalte om ein produsent han kjende i Hamburg, som var interessert i musikken til Conrad. Conrad flydde til Hamburg, der han møtte Uwe Nettelbeck, produsenten til Faust. Nettelbeck tok Conrad til eit gammalt skulebygg, der Faus hadde spelt inn musikk, og inviterte han til å spele inn ei plate med bandet, «utafor» gruppa til Conrad, The Dream Syndicate (og derav tittelen på albumet).

I 1995 kom Conrad og Faust saman att for å spele ein 50 minuttar lang versjon av stykket «From the Side of Man and Womankind». Konserten kom til slutt ut i 2005 på albumet Outside the Dream Syndicate Alive.

I 2015 samarbeidde dei for siste gongen, for ein konsert på festivalen Berlin Atonal, som var siste konserten til Conrad før han døydde i april 2016.

Innhald

Alle spora er skrivne av Tony Conrad.

Side ein

Nr.	Tittel	Lengd
1.	«From the Side of Man and Womankind»	27:16

Side to

Nr.	Tittel	Lengd
2.	«From the Side of the Machine»	26:20

Bonusspor på CD-utgåva

Nr.	Tittel	Lengd
3.	«From the Side of Woman and Mankind»	20:04

CD 2 av 30-årsjubileumsutgåva frå 2002

Nr.	Tittel	Lengd
1.	«The Pyre of Angus Was in Kathmandu»	3:38
2.	«The Death of the Composer Was in 1962»	3:16
3.	«From the Side of Woman and Mankind» (full versjon)	31:09

Medverkande

• Tony Conrad – fiolin
• Werner «Zappi» Diermaier – trommer
• Jean-Hervé Péron – bassgitar
• Rudolf Sosna – gitar og klaverinstrument

Teknisk

• Kurt Graupner – lydteknikar
• Uwe Nettelbeck – produsent

Kjelder

• Denne artikkelen bygger på «Outside the Dream Syndicate» frå Wikipedia på engelsk, den 25. juli 2020.
  • Wikipedia på engelsk oppgav desse kjeldene: