Fosgenita
La fosgenita es un minerau incolòr a l'estat pur e jaune ò brun en preséncia d'impuretats. A una duretat de 2,0-3,0 e una densitat de 6,5. Es formada de clorocarbonat de plomb (simbòl quimic : Pb2CO3Cl2) cristallizat segon un sistèma trigonau de classa trapezoedrica. Lei cristaus naturas son generalament prismatics e an un esclat adamantin.
La fosgenita se troba coma minerau segondari dei zònas d'oxidacion dei jaciments de plomb. Pòu èsser associada ambé la galena e divèrsei mineraus de ganga. A ges d'interès economic.