Ola d'Achil e Ajace
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
 L'ànfora'd Achille e Aiace a l'é n'euvra'd siràmica creà dal siramista dla Grecia antica Exekias 6 sécoj anans ëd ël nassiment ëd Gesù Crist. Costa ànfora a l'é stimà coma un-a dle pì amportante tra cole fàite da Exekias e pija cost nòm dal fàit che da na banda a mostra Achille e Aiace, doi eroe dël mond grech antich, che anans ëd andé an bataja as arposo an giugand a quaicòsa ch'a smija dama, scach o dadi astragali. A l'é'n tema ùnich ëd l'iconografìa omerica, na creassion original ëd l'artista dont as trova gnun-a marca ant gnun test literari; cost tema-sì a l'é peui dventà popolar ant la siràmica ant l'àchit dël sécol ch'a fa V e a l'é'dcò stàit arprodù ant un grop dë sculture ant l'Acròpoli'd Atene.La posission ëd ij doi guerié an dis che son pa arlassà ma a son tirà, tendù an vardand coma ch'a va soa partìa. Da l'àutra banda, un giovo Càstor a l'é rapresentà con un ëd ij sò cavaj, Kyllaros, ansema a l'àutr dioscuro, Pollux e a d'àutre figure'd famija coma Leda e Tindaro. |
