Pacifismu

Ppi pacifismu si ntenni lu pinzeri filusòficu, la currenti d'upinioni, ca metti a lu primu postu tra li valuri di l’omu, la paci.

Ssu pinzeri filusòficu o idiològgicu, s’abbasa supra la cumminzioni ca tutti li cunfritti (fùssuru iddi tra appartinenti a etnii diversi intra lu stissu tirritoriu, tra li riggiuni, tra li stati) s’hann’arrisòrviri senza usari l’armi e scontri militari.

Urìggini curturali

Lu pacifìsimu, taliannu cu n’occhiu storicu-curturali, pigghia li sò radici nta la currenti ugualitaria e nun-viulenta dû cristianèsimu (Francescu d'Assisi e àutri ) e di tanti riliggiuni di l’urienti; ssa currenti di pinzeri s’attrova nta l'illuminìsimu di Voltaire e ntô razziunalìsimu di Kant; jè macari ntâ currenti libbirtaria dû sucialìsimu e ntâ cuscienza eculòggica nova e, ppi urtimu, ntâ critica a la glubbalizzazioni sirvaggia.