Muramu

Izwi rokuti muramu kana mwaramu rinoreva zvinotevera:

Mukoma (sisi) kana munin'ina wemukadzi wako wawakaroora. Kune mamwe matunhu izwi iri rinoshandisirwa muni'nina wemudzimai chete; mukoma anenge achinzi ndimaiguru.
Mukoma kana munin'ina wemurume wako wawakaroora. Kune mawe matunhu, mukoma wemurume anenge achinzi ndibabamukuru. Babamudiki chete ndivo vanopinda muchikamu chekunzi muramu.
Kune mamwe matunhu tete vemudzimai wako vanodanwawo kunzi muramu.
Varamu vanhu vanokwanisa kuseka vose, kuita jee kana kutsiurana pane zvizhinji pasina kugumbukirana kuti zvazotaurirwei. Muramu wechikadzi anokwanisa kutsiura babamudiki vasingafarire zvokugeza mukuseka.

Mitauro yeBantu

VaFwe vanoti muramu (brother-in-law) kureva muramu. Tsonga neXilenge vanoti lamula (v. separate people from fighting).
VaKikuyu vanoti mwari wa nyina (sister-in-law) vachireva muramukadzi. VaKikuyu vanoti mwari wa maito (sister) vachireva hanzvadzi.
IsiZulu inoti umlamu kureva muramu. Mamwe mazwi: Mlamu wami awungilamuleli ngani? (Why don't you come to my rescue, brother-in-law?)
MaZulu vanoti lamula (1. Make peace between contending parties; separate fighters. 2. Mediate. 3. Give help, lend a hand, go to the rescue).
MaZulu vanoti umlamuli (v. Mediator; one who separates contending parties). Mamwe mazwi: lamuza (Marry one's wife's sister; 2. Claim relationship by marriage).