Vangjel Heba
 | Ky 24 korrik 2008 nuk citon asnjë burim, prandaj mund të mos jetë i saktë. |
Vangjel Heba | |
|---|---|
| U lind në | 11 Mars 1933 |
| Vdiq | 17 tetor 2007 Durres |
| Kombësia | shqiptar |
| Titulli | Artist i merituar |
Vangjel Heba u lind në vitin 1933 në Durrës, Shqipëri, është Artist i merituar shqiptar. Vdiq më 17 tetor, 2007, në Durrës.
Jetëshkrim
[Redakto | Redakto nëpërmjet kodit]Vangjel Heba u lind në vitin 1933 në qytetin e Durrësit, në një familje të njohur qytetare. Shkollën 7-vjeçare dhe atë të mesme i kreu në qytetin bregdetar. Që në këtë moshë spikatën aftësitë e tij në fushën skenike. Në fillim të viteve '50, Heba nis punën si aktor në Teatrin e Ushtrisë në Tiranë, ndërsa më 11 janar të vitit 1953, ai do të bëhej një nga aktorët themelues të teatrit "Aleksandër Moisiu" të qytetit të Durrësit. Në skenën e këtij teatri, Vangjel Heba u shqua si aktor i roleve të fuqishme dramatike, duke interpretuar role të heronjve kryesorë. Ai mbahet mend dhe për rolet e interpretuara në një tjetër gjini shumë të pëlqyer të teatrit, rolet e suksesshme në komedi të ndryshme. I njihen më shumë se 120 role në teatër, mes të cilave kanë spikatur, Petriti te "Familja e peshkatarit", Anjuckin te "Martesa" e Gogolit, Adem Reka te "Flamur në stuhi", Breti te "Rrënjë të thella" etj. Kontributi i Vangjel Hebës është mjaft i njohur edhe në kinematografi. Ai ka krijuar 26 figura të ndryshme në filmat Nëntori i dytë, Toka jonë, Malet me blerim mbulur, Furtuna, Njësiti gueril etj. Gjatë karrierës së tij të gjatë artistike, Heba ka provuar me sukses dhe regjinë teatrale. Ai vuri në skenë disa pjesë, duke shfaqur edhe talentin e tij si regjisor. Dramat dhe komeditë " Njerëz mbi shkëmb" dhe "Revizori" mbajnë firmën e regjisorit Vangjel Heba.
Filmografia
[Redakto | Redakto nëpërmjet kodit]- Balada e Durrësit 1990, Temal Berati, Kuçova dhe Durrësi, ikonografi
- Misioni përtej detit, 1988, Kapedan Llambros
- Botë e padukshme, 1987, profesor Sokrati
- Vrasje në gjueti, 1987
- Telefoni i një mëngjesi, 1987, shoku Xhoxhi
- Tri ditë nga një jetë 1986, Tanushi, veterani
- Gurët e shtëpisë sime 1985, Fane Mërtiri
- Lundrimi i parë 1984 Mihali
- Gracka 1983, Kurti
- Një ndodhi në port 1980, kryetari i komitetit.
- Dorina 1979, (film televiziv)
- Vajzat me kordele të kuqe 1978, Drejtori i shkollës
- Një udhëtim i veshtirë 1977, zevendesministri.
- Tinguj lufte 1976, Robertini
- Ilegalët 1976, kuestor Guxoni
- Malet me blerim mbuluar 1971, Aliu (Ballisti)
- Njësiti gueril 1969, toger Petro
- Toka jonë 1964, Murrashi
- Furtuna 1959, Vasili
Ky artikull në lidhje me një aktor është i cunguar. Ju mund të ndihmoni Wikipedinë duke e përmirësuar atë.