Vladimir Drinfeld
| Vladimir Drinfeld | |
|---|---|
| Tavalludi |
14-fevral 1954-yil Xarkov, Ukraina SSR, Sovet Ittifoqi |
| Fuqaroligi | Ukraina, SSSR va AQSh |
| Sohasi | Matematika |
| Institutlar | Chicago universiteti |
| Taʼlimi | Moskva davlat universiteti |
| Akademik rahbarlari | Yuriy Manin |
| Mukofotlari |
Fields medali (1990) Wolf mukofoti (2018) |
Vladimir Gershonovich Drinfeld (ukraincha: Володи́мир Ге́ршонович Дрінфельд; ruscha: Влади́мир Ге́ршонович Дри́нфельд) (1954-yil 14-fevralda tugʻilgan) — ukrainalik-amerikalik matematik. Drinfeld algebraik geometriya, sonlar nazariyasi hamda matematik fizika sohalarida ishlari bilan tanilgan. Hozirda Chicago universitetida ishlaydi.
Drinfeld ishlari chekli maydonlar boʻyicha algebraik geometriyani sonlar nazariyasi bilan bogʻladi, kvant guruhlari tushunchasini taklif qildi. Bu tushunchani Michio Jimbo ham Drinfelddan mustaqil kashf etgan.
Drinfeld Ukraina Fanlar akademiyasining muxbir-aʼzosi (1992) hamda AQSH Milliy fanlar akademiyasi aʼzosidir (2016). 1990-yil Fields medali bilan taqdirlangan. 2018-yil esa Wolf mukofoti bilan taqdirlangan.
 |