Каталаза

Каталаза (юнонча: каталйсис – бузилиш) – оксидоредуктазалар синфига мансуб фермент. Водород пероксид (Ҳ₂О₂)нинг сув (Ҳ₂О) билан кислород (О₂)га парчаланишини катализлайди:

$${\ce {H2O2 + Fe(III)-E -> H2O + O=Fe(IV)-E}}$$$${\ce {H2O2 + O=Fe(IV)-E -> H2O + Fe(III)-E + O2}}$$

Сувнинг қуйи консентрацияларида каталаза қуйи спиртлар, полифеноллар ва бошқаларни оксидлаб пероксидазага хос фаолликни намоён қилади. Каталаза барча ҳайвон ва ўсимликлар тўқималарида, асосан, сут эмизувчилар жигари ва эритроцитларида ҳамда аэроб микроорганизмларда мавжуд. Молекулар массаси 225000—248000 г/мол. Каталаза ингибиторларига кўпчилик тузлар (мас, сулфидлар, сианидлар, азидлар, фторидлар) киради. Каталазанинг биологик функсияси тўқима мембраналарини Ҳ₂О₂ дан, супероксиддисмутаза билан биргаликда эса супероксид радикалидан ҳимоя қилишдир. Одам эритроцитларидаги каталаза фаоллигини аниқлаш тиббиётда баъзи касалликларга ташхис қўйишда қўлланади.