Ščecin

Ščecin
Szczecin
Lidnanznam;	Flag;
Valdkund	Pol'šanma
Eläjiden lugu (2017)	403,833 ristitud
Pind	300,55 km²
Pämez'	Petr Kšistek; (tal'vku 2006—)
Telefonkod	+48−91
Aigvö	tal'vel UTC+1,; kezal UTC+2

Ščecin (pol'š.: Szczecin [ˈʂt͡ʂɛt͡ɕin], edel 1945. vot oficialine nimi oli Štettin, saks.: Stettin [ʃtɛˈtɪːn]) om Pol'šanman lidn valdkundan lodehes. Se om valdkundan seičemenz' lidn eläjiden lugun mödhe, Päivlaskmpol'žen Pomorjen sodaveikundan administrativine keskuz. Pol'šanman kaikiš järedamb meriport radab lidnas.

Istorii

Eländpunkt sai lidnan oiktusid vl 1243. Štettin oli mülünu Pühäze Rimalaižhe imperijha 12. voz'sadan lopindaspäi, kus oli Pomeranii-gercogkundan keskuseks vhesai 1648. Vll 1648−1720 oli Ročinman palaks, sid' mülüi Prussijha 20. voz'sadhasai, šingotihe Berlinan meriverajaks. Vl 1729 Venäman tulii Jekaterina II-imperatornaine oli sündnu Štettinan lidnushe.

Ščecin šingotase mašiništon i laivoiden sauvomižel, himižel tegimištol (mineraližed heretused), «Amazon»-kompanijan varažomil, meriladimiden edheotandal, turizmal (354 tuh. rist. vl 2009). Cellülozbumagaine kompleks ei ole rados 2000-nziš vozišpäi.

Geografijan andmused

Ščecin sijadase Oderan hijamiden molembil randoil da Dombe-järven (pol'š.: Dąbie) randal, 0..131 m ü.m.t. korktusil. Matkad Saksanman röunhasai om kümne kilometrad päivlaskmha avtotedme. Avanportan nimi om Svinouis'ce, sijadase Oderan Baltijan meren estuarijan (Ščecinan lahten) taga.

Klimat om ven.

Tobmuz

Ščecin jagase rajonaks.

Eläjad

Vl 2014 lidnan eläjiden lugu oli 407 180 ristitud. Kaikiš suremb lidnan ristitišt oli 419 600 eläjad vl 1994. Ristitišt ületi vn 1939 lugud vodele 1978 (384,9 tuh. rist.), Toižen mail'man sodan jäl'ghe vaiše erasile saksalaižile lasktihe pörtas lidnha, heiden lugu poleni enamba mi 100 tuhaspäi 17 tuhazesai.

Üläopendusen viž aluzkundad ratas lidnas.

Transport

Avtobusad da tramvaid oma kundaližeks transportaks lidnas.

Galerei

Lidnan ohjastusen pert'
Ščecinan vanh lidn
«Pazim»-ofiskeskuz da adivpert' lidnan keskuses (om saudud vll 1990−1992)
Merimuzei
Sodaveikundan kirjišt

Irdkosketused

Lidnan ohjastusen oficialine sait (szczecin.pl). (pol'š.)
Lidnan investiciž-turistine sait (szczecin.eu). (pol'š.) (angl.) (saks.)

Ščecin Vikiaitas

	Pol'šanman sodaveikundad da niiden administrativižed keskused
	Alakarpatan (Žešuv) \| Alaläšan (Belostok) \| Alasilezijan (Vroclav) \| Kujavijan da Pomorjen (Bidgošč, Torun') \| Lodzin (Lodz') \| Lüblinan (Lüblin) \| Lübušan (Gožuv-Vel'kopol'ski, Zelöna Gur) \| Mazovijan (Varšav) \| Opolen (Opole) \| Penen Pol'šanman (Krakov) \| Pomorjen (Gdan'sk) \| Päivlaskmpol'žen Pomorjen (Ščecin) \| Silezijan (Katovice) \| Suren Pol'šanman (Poznan') \| Sventokšistan (Kel'ce) \| Varminiž-Mazuran (Ol'štin)