Ippervlak

Een ippervlakte of ippervlak is e grôotheid die were hift oe groat dat e twi-dimensionoal gebied is. Da kan d'ippervlakte zien van e twi-dimensionoal gebied, mo wok van e drie-dimensionoale vorm. 't Ippervlak wordt ook wel grotte genoemd, surtoet a't hoat over percelen.

Den SI-eenhied van ippervlak is den vierkante meter, afgekort m². Dien is ofheleid van de SI-eenhied voe lengte, de meter. Moar ot over d'ippervlakte goat van hrond (bouwhrond, boereland,...) hebrukt men dikwils centiare (1 x 1 = 1 vierkante meter), are (10 x 10 = 100 vierkante meter) en hectare (100 x 100 = 10000 vierkante meter).

Formules

D'ippervlakte kan azo wordn bereeknd:

$\iint dA$ (2D-ippervlak)

$\iiint dA$ (3D-ippervlak),

waobie da'j over 't ippervlak moed intehreern.

Verschillnde meetkundihe fihuren die vele vôornkommn èn simpele formules voe d'ippervlaktete bereken.

2D

D'ippervlakte van e paor twi-dimensionoale vôorwerp'n:

• 't Ippervlak van e vierkant: lengte × lengte
• 't Ippervlak van e rechthoek: lengte × bridte
• 't Ippervlak van e rute: ogte × bridte
• 't Ippervlak van e drie-oek: ½ × baosis × ogte
  • d'ippervlakte ku'j ook met de formule va Heron bereken.
• 't Ippervlak van e cirkel: π r² (waobie da r de straole van diene cirkel is).

3D

D'ippervlakte van e paor drie-dimensionoale vôorwerp'n:

• 't Ippervlak van e kubus: 6 s², met s de lengte van e ziede van den kubus
• 't Ippervlak van e bolke: 2 ((l × w) + (l × h) + (w × h)), met l, w en h de lengte, bridte en ogte van de bolke.
• 't Ippervlak van e bol: 4 π r² met r de straole van den bol.
• 't Ippervlak van e cilinder: 2 π r (h + r), met r de straole van de cirkelvormihe baosis, en h d'ogte van de cilinder.
• 't Ippervlak van e kehel: π r (r + √(r² + h²)), met r de straole van de cirkelvormihe baosis, en h d'ogte van de kehel.