Brin

Petales di live

Ene crote, c' est on boket des distcheyaedjes ki rexhèt des boyeas d' ene biesse (u d' ene djin), et insi spurer l' coir.

Les crotes ont on diferin no, sorlon les sôres di biesses et leu cogne.

• flate po les vatches.
• polene po les poyes et les ôtes oujheas.
• crotin po les tchvås.
• petale po les robetes, les lives, les gades et les bedots.
• stron po les djins, les tchéns, les tchets.

Des crotes pus likides k' i n' fåreut si lomer del schite.

Fé ses crotes si dit :

• po les djins : fé (tot biesmint), fé caca, aler al coulote, aler a l' ouxh, aler a sele, aler la k' li rwè va tot seu, aler ås foyes (="feuillées" des sôdårds), tchire, schiter (crotes foirt likides).
• po les biesses : croter, flater, tchire

Li plaece esprès po les djins fé, ça s' lome les cabinets, les raiwires, les tweletes, les wateres, les ahesses, les cabinets, les tchiyotes.

Les crotes di djins sont-st eployeyes dins des kéntes å rvier, come li evoyaedje ås lursetes.

Les crotes des biesses, mins eto des djins, siervèt a fé d' l' ansene.

Livea des mots po djåzer des crotes

Les mots walons po djåzer des crotes ont des diferins liveas d' politesse.

neute

• "crote"
• "caca" po les pits efants
• "fé", fé caca
• "twelete", "watere"
• aler a l' ouxh, al coulote, å "cabinet"

sorpoli

• "Wikt:distcheyaedje" po les djins
• "leyaedje" po les såvaedjès biesses.
• "raiwire", "ahesse"
• aler a sele, al coulote

ene miete måhonteus

• (po les biesses )"tchire", "tchiyaedje", stron
• "tchiyote"

foirt måhonteus

• (po les djins) : "tchire", "tchiyaedje", "stron"
• (djins et biesse) "miere" (aprume dizo disfondowe merde)

Molès crotes

Loukîz a : Rimagnaedje des molès crotes