ספינקא (הויף)
ספינקא איז דער נאמען פון א דארף אין מאראמאראש ווי די ספינקער רביס האבן געפירט און דאס ספינקא חסידות איז געבוירן.
ספינקא חסידות
דער ערשטער ספינקער רבי איז געווען רבי יוסף מאיר ווייס בעל אמרי יוסף. דערנאך האט איבערגענומען זיין זון דער "חקל יצחק", רבי יצחק אייזיק ווייס; ער איז געהרגעט געווארן דורך די נאציס ביים צווייטן וועלט קריג.
רבי נחמן כהנא, איידעם פונעם "אמרי יוסף", האט מחבר געווען א ספר "אורחות חיים". זיין זון, רבי צבי הירש כהנא, אן איידעם ביי רבי ברוך פון בריזדאוויטש (פון דער ראפשיצער דינאסטיע, איז געווען רב אין דער שטאט ספינקא. די נאציס האבן אים דערמארדעט ביים חורבן אייראפע אין חודש סיוון תש"ד.
רבי צבי הירש'ס עלצטער זון, רבי נחמן כהנא, איז געבוירן געווארן אין תרס"ה. ער איז געווען דער איידעם פון זיין פעטער רבי יעקב ישראל וישורון רובין פון סוליצא. זיינע איידעמעס זענען רבי משה פון וואוידיסלאוו און רבי נפתלי פון מעליץ.
נאך א זון פון רבי צבי הירש איז געווען רבי מנחם מענדל, איידעם ביי רבי אברהם פון קערעסטיר. ער איז אומגעקומען אין כעלמנא מיט אלע זיינע קינדער.
נאך דער מלחמה האט דאס ספינקא חסידות זיך צעשפרייט צווישן אסאך רביס איבער דער גאנצער וועלט—ארץ ישראל, אייראפע, און אמעריקע. אין וויליאמסבורג אליין איז דא עטליכע ספינקער רביס.
צווישן די משפחה נעמען וואס רופן זיך ספינקער רבי זענען דא:
- ווייס
- הורוויץ
- כהנא
- פאללאק - בערגסאז
אויך איז דא נאך א משפחה נאמען פרידמאן וואס די זענען אולאמער־ספינקער רביס.
די ווייס משפחה פון ספינקער רביס
- ר' יוסף מאיר ווייס (בן שמואל צבי) ה'תקצ"ח - ו' אייר, ה'תרס"ט בעל מחבר ספר אמרי יוסף, האט חתונה געהאט בזיווג שני מיט מרת פעריל, די אלמנה פון רבי יונתן בנימין פאלאק.
- ר' יצחק אייזיק ווייס הי"ד (בן יוסף מאיר) ה'תרל"ה - ה'תש"ד. בעל מחבר ספר חקל יצחק.
- ר' ישראל חיים ווייס הי"ד, (בן יצחק אייזיק) ה'תש"ד.
- ר' יעקב יוסף ווייס בן ישראל חיים (ה'תרע"ב - י"ט ניסן ה'תשמ"ח), איידעם בזיווג שני פון זיין פעטער רבי אביש הורוויץ פון קראלי; בעל מחבר ספר שיח יעקב יוסף.
- רבי אברהם אביש ווייס בן יעקב יוסף (נפ' תשל"ב)
- ר' נפתלי צבי ווייס בן יעקב יוסף, ספינקער רבי
- רבי יצחק אייזיק ווייס בן יעקב יוסף (נפ' תשמ"ד אין אן אויטא אקצידענט)
- רבי מאיר אביש ווייס פון רמת אהרן, בני ברק אדמור מספינקא רמת אהרן
- רבי אהרן ישראל חיים ווייס פון גני גד, בני ברק אדמור מספינקא אמרי יוסף שיכון ה'
- רבי אברהם צבי שמחה ווייס מצפת אדמור מספינקא צפת
- רבי נפתלי מנחם ווייס מירושלים
- חתן רבי זושא טברסקי
- חתן רבי דוד וסרמן
- חתן רבי שמעון רוזנפלד לעלוב קרלין
- ר' ישראל חיים ווייס (בני ברק) (בן יעקב יוסף), ספינקער רבי בני ברק (דאנאלא גאס).
- ר' מאיר אלעזר ווייס (בן יעקב יוסף), ספינקער רבי אין בארא פארק (18טער עוועניו).
- ר' יעקב יוסף ווייס בן ישראל חיים (ה'תרע"ב - י"ט ניסן ה'תשמ"ח), איידעם בזיווג שני פון זיין פעטער רבי אביש הורוויץ פון קראלי; בעל מחבר ספר שיח יעקב יוסף.
- ר' ישראל חיים ווייס הי"ד, (בן יצחק אייזיק) ה'תש"ד.
- ר' יצחק אייזיק ווייס הי"ד (בן יוסף מאיר) ה'תרל"ה - ה'תש"ד. בעל מחבר ספר חקל יצחק.
די הורוויץ משפחה פון ספינקער רביס
- רבי אברהם אביש הורוויץ (ה'תרנ"ז - ה'תש"ד), איידעם פון "חקל יצחק" רבי יצחק אייזיק ווייס. רב אין קראלי.
- ר' שמואל צבי הורוויץ ז"ל, (בן אברהם אביש מקראלי). אויך באוואוסט אלס ר' הערשעלע ספינקער.
- ר' בעריש הורוויץ ז"ל, (בן שמואל צבי), אדמו"ר מבית שמואל צבי ספינקא וויליאמסבורג.
- ר' יוסף מאיר הורוויץ שליט"א, (בן בעריש), אדמו"ר מבית שמואל צבי ספינקא וויליאמסבורג.
- ר' משה יעקב הורוויץ שליט"א, (בן בעריש), אדמו"ר מאהלי צבי ספינקא עירמאנט
- ר' אביש הורוויץ שליט"א, (בן שמואל צבי), אדמו"ר מבית יצחק ספינקא וויליאמסבורג.
- ר' אייזיק הורוויץ שליט"א, (בן שמואל צבי), אדמו"ר מתולדות צבי ספינקא וויליאמסבורג.
- ר' נטע הורוויץ שליט"א, (בן שמואל צבי), אדמו"ר מטבא דשמואל ספינקא בארא פארק.
- ר' נפתלי הורוויץ שליט"א, (בן שמואל צבי), אדמו"ר מקראלי וויליאמסבורג.
- ר' בעריש הורוויץ ז"ל, (בן שמואל צבי), אדמו"ר מבית שמואל צבי ספינקא וויליאמסבורג.
- ר' שמואל צבי הורוויץ ז"ל, (בן אברהם אביש מקראלי). אויך באוואוסט אלס ר' הערשעלע ספינקער.
די כהנא משפחה פון ספינקער רביס
- רבי נחמן כהנא ז"ל, איידעם פון אמרי יוסף, נפטר כ"ח תמוז ה'תרס"ד במרחץ ליפענא ומנו"כ אין סוואליאווע. בעל מחבר ספר "ארחות חיים".
- ר' צבי הירש כהנא הי"ד, (בן ר' נחמן), (נפ' סיון תש"ג), אדמו"ר ואב"ד ספינקא. געהרגעט געווארן דורך די נאציס על קידוש ה', אוישוויץ, סיון תש"ד.
- ר' נחמן כהנא (בני ברק) ז"ל, (בן ר' צבי הירש), ה'תרס"ה - י"ז תשרי ה'תשל"ו, אדמו"ר ספינקא בני ברק.
- ר' משה אליקים בריעה כהנא שליט"א (בן ר' נחמן), אדמו"ר מספינקא-כהנא בני ברק.
- ר' אשר ישעיהו כהנא ז"ל (בן ר' נחמן), אדמו"ר ספינקא קרית יואל.
- ר' אלימלך כהנא ז"ל (בן ר' נחמן), י"ד אדר ב' ה'ת"ש - י"ט תמוז ה'תשס"ב, ראש הכולל זידיטשויב בני ברק.
- ר' אברהם כהנא שליט"א (בן ר' אלימלך), אדמו"ר מספינקא בית שמש.
- ר' מנחם מענדל כהנא שליט"א (בן ר' נחמן), אדמו"ר ספינקא אין לאנדאן.
- ר' ברוך כהנא שליט"א (בן ר' נחמן), אדמו"ר קארלסבורג וויליאמסבורג.
- רבי יוסף מאיר כהנא (ה'תר"ע - ח' שבט ה'תשל"ח) (בן ר' צבי הירש), אדמו"ר ספינקא ירושלים.
- רבי מרדכי דוד כהנא (תר"ץ - כ"ד תמוז תשע"א) (בן ר' יוסף מאיר), אדמו"ר ספינקא ירושלים, איידעם ביי ר' משה מנחם הערשטיק.[1]
- רבי אברהם יצחק כהנא אדמו"ר מספינקא ירושלים, באקרוינט געווארן ביי דער לווי'ה דורך זיין פעטער רבי יהושע ראזנבערגער חבר הבד"ץ העדה החרדית ירושלים.
- רבי שלמה שמואל כהנא (בן ר' מרדכי דוד כהנא) אדמו"ר מספינקא ירושלים איידעם פון רבי אליעזר זאב ראזנבוים פון ראחוב
- רבי אליעזר ליפא, ראש כולל ספינקא דרכי דוד.
- רבי חיים יהודה, אב"ד ספינקא קאנאדע.
- רבי ראובן צבי, אב"ד שומע תפילה ירושלים.
- רבי משה מנחם, אב"ד סערעדנא בני ברק.
- ר' ברוך כהנא (בן ר' יוסף מאיר), אדמו"ר ספינקא אנטווערפן.
- ר' אלטער כהנא (בן ר' יוסף מאיר), ה'תרצ"ט - י"ח שבט ה'תשס"ט, זידיטשויב-ספינקער רבי ירושלים.
- ר' צבי הירש כהנא (בן ר' אלטער), זידיטשויב-ספינקער רבי ירושלים (נפטר ט"ו שבט תשע"ה), אן איידעם פון רבי נפתלי האלברשטאם פון טשאקאווא.
- ר' יצחק אייזיק כהנא (בן ר' אלטער), אדמו"ר מזידיטשויב ירושלים.
- רביצען רבקה לאה שטיין, ווייב פון רבי מרדכי שטיין פאלטיטשאנער רבי.
- ר' משה נחמן כהנא (בן ר' יוסף מאיר), ר"מ ישיבת בעלזא בני ברק.
- ר' יצחק אייזיק כהנא (בן ר' יוסף מאיר), א אנגעזענער פוסק, פון די עלטסטע מורה הוראות אין די העדה החרדית ירושלים.
- רבי מרדכי דוד כהנא (תר"ץ - כ"ד תמוז תשע"א) (בן ר' יוסף מאיר), אדמו"ר ספינקא ירושלים, איידעם ביי ר' משה מנחם הערשטיק.[1]
- ר' נחמן כהנא (בני ברק) ז"ל, (בן ר' צבי הירש), ה'תרס"ה - י"ז תשרי ה'תשל"ו, אדמו"ר ספינקא בני ברק.
- ר' צבי הירש כהנא הי"ד, (בן ר' נחמן), (נפ' סיון תש"ג), אדמו"ר ואב"ד ספינקא. געהרגעט געווארן דורך די נאציס על קידוש ה', אוישוויץ, סיון תש"ד.
נאך א ספינקא רבי איז רבי ברוך צבי רוטנר שליט"א (בן כקש"ת הגה"צ רבי אהרן מרדכי רוטנר שליט"א מברעזיף, חתן הרה"ק רבי יוסף מאיר כהנא מספינקא ירושלים), וואס איז אדמו"ר מספינקא רמת שלמה.
(רבי מאיר אברהם אביש מבית יצחק ספינקא, איז אויך א איידעם ביי כקש"ת הגה"צ רבי אהרן מרדכי רוטנר שליט"א מברעזיף)
די אולאמער ספינקא רביס
- ר' שמואל פריעדמאן ז"ל איידעם פון ר' ישראל חיים ווייס מספינקא, אב"ד אולאם.
- ר' יעקב יצחק פריעדמאן שליט"א (בן ר' שמואל), אב"ד אולאם-ספינקא - קווינס, ניו יארק.
- ר' חיים יוסף פריעדמאן שליט"א (בן ר' יעקב יצחק), אב"ד ברעזאן - בארא פארק.
- ר' בעריש פריעדמאן שליט"א (בן ר' יעקב יצחק), אב"ד ספינקא - ריגא פארק קווינס.
- ר' צבי פריעדמאן שליט"א פון סעליש, איידעם פון רבי בעריש מספינקא.
- ר' יעקב יצחק פריעדמאן שליט"א (בן ר' שמואל), אב"ד אולאם-ספינקא - קווינס, ניו יארק.
בערעגסאז
דער אמרי יוסף האט געהאט אן איידעם רבי אביגדור פאלאק, א זון פון רבי יונתן בנימין פאלאק, מגדולי תלמידי בעל ה"דברי חיים" פון צאנז, וועלכער האט זיך אויס געדריקט אוף רבי יונתן בנימין אז ער איז א קדוש וטהור.
אן אינטרעסאנטע זאך ווערט דערציילט אז רבי יונתן בנימין איז נסתלק געווארן יונגערהייט פון די הקפדה פון רבי אייזיקל קאמארנער, אן נעמענדיג זיך פאר כבוד רבו הדברי חיים מצאנז. די אינגע אלמנה איז געפאהרן קיין צאנז, דער דברי חיים האט איהר אן געווינטשן אז פעריל בת זיסל וועט באלט צו טרעפן א שידוך וואס זי וועט זיך נישט דארפן שעמען מיטן ערשטן מאן. וכך הוה, אין א קורצער צייט דערנאך איז געווארן דער שידוך מיט איר צווייטן מאן, דאס איז געווען דער הייליגער אמרי יוסף, וואס איז מיט א צייט פריער געווארן אן אלמן אין מונקאטש. די רביצין האט געברענגט מיט איר דעם זון רבי אביגדור, וועלכער איז געווען דעמאלטס א יתום פין פינף יאר אינגאנצן, און דער אמרי יוסף האט מיט געברענגט צוויי טעכטער צירל (אשת האורחות חיים) און מלכה. דערנאך (בשנת תרמ"ב) האבן אביגדור און מלכה חתונה געהאט, דאס הייסט אז דער אמרי יוסף האט גענומען דעם שטיף זון פאר אן איידעם, אן די רביצין האט גענומען די שטיף טאכטער פאר א שנור. דער אמרי יוסף מיט דער רביצין האבן דערנאך געהאט אויכעט שותפותדיגע קינדער, דער הייליגער חקל יצחק זי"ע הי"ד און א טאכטער אלטא חנה (בזו"ר אשת ר' אברהם יקר רובינשטיין נכד המהרש"ם מברעזאן ובזו"ש אשת מהרי"ם מקאמארנא).
רבי אביגדור איז געווען באוואוסט ווי א קדוש עליון און א מתמיד עצום, פערציג יאר האט ער זיך נישט אריין געלייגט אין א בעט, ביי די שפעטערדיגע שעות פון די נעכט פלעגט ער האלטן א פעקל שליסלען אין די הענט אין אזוי געזיצן און געלערנט, כדי טאמער וועט ער חלילה איין שלאפן וועלן די שליסלען אראפ פאלן וועט ער זיך אזוי באלד אויף וועקן. נאך דער הסתלקות פון אמרי יוסף איז ער געבליבן אין ספינקא, אבער פון רוב שפלות אין ענוות קדשו איז ער אנטלאפן פון יעדן כבוד וועלכער איז געווען פאר אים די גרעסטע גנאי, חסידים מיטן רבין אליין - דער (יונגערער) ברודער (פֿון איין מאמע) דער חקל יצחק פלעגן אים נאך גיין מיטן גרעסטן כבוד, אבער ער איז אנטלאפן פֿון דעם ווי פֿון פייער, דער חקל יצחק פלעגט זיך אויס דריקן אז די משנה כל הבורח מן הכבוד הכבוד רודף אחריו איז ספעציעל אוף אים געשריבן געווארן. דער ספה"ק "אמרי יוסף" האט ער צוזאמען מיטן ברודער דעם חקל יצחק איבער געארבעט, ווי עס ווערט דערמאנט אין דער הקדמה. ביי דער ערשטער וועלט מלחמה איז ער אנטלאפן קיין סיגעט, דארט איז ער געווען דער שיינער איד אין די ספינקא קלויז, ספינקער חסידים אין סיגעט האבן אים אויס געהאלטן בדרך כבוד. ער האט נישט גערעדט קיין שום שיחת חולין נאר בלית ברירה פלעגט ארויס זאגן די ווערטער: נא,,, נו,,, וכדו'.
ואלה תולדותיו:
- רבי שמואל צבי.
- רבי חיים אברהם פון בערעגסאז וואס איז נסתלק געווארן על פני אביו און האט איבער געלאזט צוויי קינדער:
- רבי יוסף מאיר הי"ד מבערגסאז (נפ' ד' אלול תש"א)
- הרבנית אסתר לאה הי"ד.
- רבי יונתן בנימין.
צו דער חתונה פֿון דעם אייניקל רבי יוסף מאיר (וואס איז געווען א יתום פון טאטע אין מאמע) וועלעכער איז געווען אין בערגסאז איז דער גרויסע זיידע נישט געפאהרן היות בערגסאז איז געווען דעמאלטס אונטער די הערשאפט פון טשעכסלאוואקיע און סיגעט אין ראמעניא און אריבער צו גיין דעם גרעניץ האט מען געדארפט צום פאספארט מאכן א בילד האט ער ליבערשט מוחל געווען דאס באשיינען די חתונה און דער ברודער דער חקל יצחק זי"ע איז געווען עומד מצד נכד אחיו החתן. אזוי אויך ביי די חתונה פון זיין שוועסטער אסתר לאה מיט האדמו"ר רבי נפתלי צבי לאבין, האט דער חקל יצחק באשיינט בראש המסובים.
הגה"ק רבי אביגדור האט מאריך ימים געווען ביז י"ג שבט תרצ"ו לפ"ק, און מנוחתו כבוד אין די סיגעט באוהל מיוחד לחלקו.
פֿון דער גאנצער גזע לבית ספינקא דורך דעם איידעם רבי אביגדור איז געבליבן לעבן נאך דער צווייטער וועלט מלחמה, נאר די קינדער פון האדמו"ר רבי יוסף מאיר פאלאק פין בערגסאז.
זיין רביצין הרבנית חנה האט חתונה געהאט נאך דער מלחמה מיט דעם בעלזער רב, און זי האט מיט געברענגט אירע צוויי יתומים: רבי אברהם אלטער און ביילא חיה.
רבי אברהם אלטער האט נאך חתונה געהאט בחייו פון זיין שטיף טאטע און איז במשך די יארן געווארן באוואוסט אלס פתח תקוה רבי, דארט האט ער אוועק געשטעלט א בית מדרש מיט מוסדות תורה וחסד אין דער שטאט פתח תקוה, ער איז נסתלק געווארן (על פני אמו די בעלזער רעבצין), כ' אלול תשס"ו אין מנו"כ נעבן זיין שטיף טאטע ה אין הר המנוחות ירושת"ו.
הרבנית מרת ביילא חי' וועלכע איז שפעטער געווען די קוממיות'ער רביצין האט געהייראט רבי מנחם מענדל מענדלזאן, זי אויך נפטר געווארן על פני אמה יונגערהייט כ"א אב תשנ"א טאג פון יארצייט פון איר שטיף טאטע דער בעלזער רב און ליגט אויך במחיצתו.
קינדער פון רבי אברהם אלטער פאלאק פון בערגסאז פתח תקווה:
- ר' יהושע זצ"ל געווען קאלבאסאווער רב אין ירושליים אין נסתלק געווארן על פני אביו בצעירותו ח"י שבט תשס"ו
- ר' אהרן שליט"א וועלכער איז היינט בערגסאזער רבי אין אלעד, אן איידעם ביי רבי משה אליקים בריעה כהנא מספינקא
- ר' יוסף מאיר, בערגסאזער רבי אין בית שמש
- ר' מרדכי, פראוועט אין דעם טאטנס ביהמ"ד אין פתח תקווה
- ר' שלום פון בערגסאז ירושלים
- ר' יואל
- ר' משה
- ר' יחזקאל
און פיר איידעמער:
ר' דוד טווערסקי רב ק"ק ראחמסטריווקא אין ירושת"ו
ר' ישעי' צבי (הירש) בריעף רב פון בימ"ד יערוסלב אין וויליאמסבורג
ר' בערצי לייפער רב פון נדבורנה פתח תקווה
ר' ישראל לייפער רב פון בערגסאז אין אלעד
רעפערענצן
וועבלינקען
- ווידעא פון ספינקא-קראלי ברעזאנע חתונה.
- ווידעא פון ר' בעריש האראוויץ מספינקא אף סוכות
- ווידעא פון ר' מאיר אלעזר ווייס - ספינקא רבי פון בארא פארק
| חסידישע הויפן | ||
|---|---|---|
| אוקראינע: | ||
| פוילן: | ||
| מזרח-גאליציע: | ||
| מערב-גאליציע: | ||
| וואלין: | ||
| ליטע/רייסן: | ||
| רומעניע: | ||
| אונגארן: | ||
| אמעריקע: | ||
| ירושלים: | ||
| אנדערע: | ||