曾憲梓
| 曾憲梓 | |
|---|---|
| 姓名原文 | 曾憲梓 |
| 出生日 | 1934年2月2號  |
| 出生地 | 梅縣 |
| 死亡日 | 2019年9月20號 （85歲） |
| 死亡地 | 梅州 |
| 死因 | 病 |
| 國籍 | 中華民國、中華人民共和國、英屬香港、中華人民共和國 |
| 母校 | 中山大學 |
| 職業 | 企業家、政治人 |
| 仔女 | 曾智雄、曾智明 |
[改維基數據] | |
 |  |
曾憲梓，GBM（英文：Tsang Hin-chi，1934年2月2號—2019年9月20號[1][2]）係香港企業家，在生嗰陣係金利來集團主席，做過中國全國人大常委（香港）[3]。
曾憲梓響廣東省梅州市梅縣一個農民家庭出世，自幼喪父嘅佢需要靠斬柴嚟幫補家計。憑住佢嘅努力喺1961年升讀廣州中山大學嘅生物系。佢喺1968年時值文化大革命期間偷渡嚟香港。曾憲梓十分之愛國，佢一生捐出超過十二億去支持國家嘅發展。佢喺1991年開始補當選為港區全國人大代表。喺1994年再晉升至全國人大常委。佢喺香港回歸之前曾經獲中央委任為港事顧問、特區預委員同埋籌員會委員，促進香港回歸嘅事宜。佢嘅愛國情懷先後受到國家同埋香港政府嘅肯定。喺1993年，大陸申請將編號3388嘅小行星 命名為「曾憲梓星」。佢喺1997年獲香港政府頒授大紫荊勳章，成為香港特區政府第一批12位大紫荊勳章得主之一。2018年，中央政府曾經喺國家改革開放四十年慶典頒咗個「改革先鋒」嘅獎章畀佢，但係佢唔得閒出席。曾憲梓做緊人大常委果陣時成日都有好多比較出位嘅言論，佢曾經喺2004年《廿三條》風波之後批評民主黨嘅司徒華、李柱銘、張文光等人反對嘅國家安全法，話佢哋唔愛國，「喱啲民主派，死硬民主派，其實佢哋唔係搞民主，佢哋美其名叫民主黨」，直言自己絕對唔認同民主黨係愛國者，司徒華果陣就反駁佢自己本人做愛國嘅事，比曾憲梓仲要做得多。不過，曾憲梓曾經響2010年講過，希望香港喺2020年果時就會實現普選，「我相信到時候民主派要求嘅功能組別問題就會得到解決」，直言普選唔單只係民主派嘅要求，仲係香港市民嘅心願同埋係佢本人嘅個人心願，希望自己會有機會見到普選嗰日。2019年9月20號，曾憲梓喺廣東梅州病逝，享年85歲。[4]
參考
出面網頁
 |