茶

茶係嘢飲一種，係由茶樹嘅葉或芽，再經制作而成。通常係用呢啲經過加工嘅葉，浸落熱水度幾分鐘，水就變成茶。茶嘅味道來自氧化（發酵），加熱，整乾，又或係加入其他草本、香料同生果。就算同一樖茶，唔同部份，口芽定葉，唔同季節，唔同加工，都可以得出唔同茶種，味道各異。

茶天生有咖啡因同茶鹼，有清涼，少苦之味。

今時今日，茶係世界上除咗水之外最多人飲嘅嘢飲。2004年啲人就飲咗3,200,000公噸嘅茶啦。生產量嘅頭四位係印度、中國、斯里蘭卡同埋肯雅。

草本茶（Herbal tea）可以係一啲茶都無，用生果或草本來做。不過呢篇係講茶樹來嘅茶。

史

中國種茶做飲品，有過千年史。十九世紀，茶係大清國最貴，最重要嘅出口貨。因而廣泛種於中國、韓國、日本、印度等地。