O Ézaro, Dumbría

Para outras páxinas con títulos homónimos véxase: Santa Uxía.

O Ézaro
Lugar do Ézaro.
Concello	Dumbría
Provincia	A Coruña
Coordenadas	42°54′43″N 9°07′57″O
Poboación	603 hab. (2022)
Entidades de poboación	15
[ editar datos en Wikidata ]

Santa Uxía do Ézaro é unha parroquia que se localiza no sur do concello de Dumbría, bañada pola Ría de Corcubión. Segundo o IGE en 2022 tiña 603 habitantes (322 mulleres e 281 homes) distribuídos en 4 entidades de poboación, o que supón unha diminución en relación ao ano 1999 cando tiña 1.081 habitantes.

A fervenza do Ézaro, na desembocadura do río Xallas, é un lugar de grande atractivo turístico. A carón da fervenza rematou varias veces unha etapa da Vuelta a España.

O Ézaro desde o miradoiro.

Galería de imaxes

Artigo principal: Galería de imaxes do Ézaro, Dumbría.

• 
  Fervenza do río Xallas
• 
  O Ézaro.
• 
  Solpor.
• 
  Solpor no Ézaro.
• 
  Fervenza do río Xallas (esta con auga)

Etimoloxía

Ézaro ou Ésaro (con seseo) vén do medieval Isaro, que tería unha orixe hidronímica indoeuropea cunha raíz eis- ou is-: moverse rapidamente ou violentamente, referido ao tramo final do río Xallas cando cae na fervenza de nome Ézaro. A raíz está viva en verbos do sánscrito como ísyati (bulir), ésati (esvarar). En Italia existe o río Esaro, afluente do Crati, coa mesma orixe. En Francia existe o río Isère, afluente do Ródano, en Aragón o río Esera, afluente do Cinca. En Baviera o Isar, afluente do Danubio, en Flandres o Yser ou Ijzer, o Eisrà en Lituania e casos británico deformados.

Véxase tamén

Outros artigos

• Lugares de Dumbría
• Fervenza do Ézaro

Ligazóns externas

• Páxina dedicada ao Ézaro