Marin Ljubin

Marin Ljubin
Persona informo
Naskiĝo	30-an de novembro 1902 (1902-11-30)
Morto	30-an de novembro 1984 (1984-11-30) (82-jaraĝa)
Lingvoj	Esperanto • bulgara vd
Ŝtataneco	Bulgario vd
Profesio
Alia nomo	Marin Ljubin vd
Okupo	esperantisto poeto ĵurnalisto tradukisto vd
Laborkampo	Translations from Bulgarian (en) kaj translation into Esperanto (en) vd
vd	Fonto: Vikidatumoj

Marin LJUBIN, vera nomo Asen GRIGOROV (1903 – 1985), estis bulgara esperantisto kaj poeto kaj verkisto. Li profesie laboris kiel funkciulo de Bulgara Laborista Esperanto-Asocio kaj estis redaktoro de ties eldonaĵoj. Li estis membro de la Internacia Asocio de Revoluciaj Esperantaj Verkistoj (IAREV) ekde ties fondiĝo en 1931.

En la komunista epoko de Bulgario li plurajn jarojn funkciis kiel redaktisto de la revuo Bulgara Esperantisto kaj de la revuo Nuntempa Bulgario.

Li estis la iniciatinto de studenta Literatura Rondo en 1964 al kiu aliĝis verkemuloj kaj tradukemuloj.

Verkaro

Li estis aŭtoro de du originalaj esperantlingvaj literaturaĵoj, nome la poemaro Ruĝa Aŭroro (aperinta en du eldonoj en 1930, kiel Garbo kaj 1932) kaj de la novelaro La himno (1931).

Recenzo pri Garbo/Ruĝa Aŭroro

	„ Nia originala literaturo ĉiam pliaĉigas kaj tiel plifirmigas la vivdaŭron de nia kara lingvo. Jen bele eldonita kaj ĝue legebla libreto. Aĉetu ĝin tuj! Vi lernos ion de la bona lingvo kaj interesa enhavo ” — Bulgara esperantisto j.11 n07-08 apr. 1930

„ Ruĝa Aŭroro de M. Ljubin. Tridekpaĝa broŝureto, enhavanta 11 apartajn poemojn kaj 7 kompilitajn sub titolo „Poemo pri tabaklaboristo“. Ĉi tiuj versaĵoj de radikala proleta poeto kun revolucia tendeNco estas certe tre verve skribitaj kaj legindaj ankaŭ de tiuj, kiuj volas ilin ĝui nur pro ilia bela poezia formo. Strangaĵo en la broŝureto estas, ke mankas ĉe vortoj kun eliziita finaĵo „o“ la apostrofo. Absolute ne aprobindaj estas la uzo de prepozicio kun artikolo „del“ anstataü „de l’“ kaj de interjekcio „o“ anstataŭ „ho!“. Ĉu la aŭtoro per tiaj arbitraj kontraŭfundamentaĵoj volas revoluciigi ankaŭ nian lingvon? ” — Sos. Aŭstria Esperantisto n076 (maj 1931)

Tradukoj

• Leo Tolstoj: Post la balo (PACO 6/1978, p. 8-10, germana eldono)
• Spas Rusinov. Bulgario. Mallonga skizo.

Nekrologo

Nekrologo verkita de L. Raeve kun detala verkaro aperis en la revuo Internacia Ĵurnalisto, 1985-3, p. 19.