Luwing
| Luwing Kalamangsa: 428–0 Ma Late Silurian to Recent | |
|---|---|
| |
| Rusty millipede (Trigoniulus corallinus) | |
| Klasifikasi ngèlmiah | |
| Karajan: | Animalia |
| Filum: | Arthropoda |
| Subfilum: | Myriapoda |
| Klas: | Diplopoda De Blainville in Gervais, 1844 [1] |
| Subclasses, orders and families | |
|
See text | |
Luwing, kluwing utawa millipede (kelas Diplopoda, sadurungé uga diarani Chilognatha) ya iku artropoda kang duwé rong pasang sikil saben segmen, nanging segmen sepisanan kang manggon ing buri endhas lan 2 segmen sawisé iku mung nduwé sikil kang cacahé siji.[2] Luwing ora nggunakaké sungut kang ana wisané kanggo njaga awaké saka mungsuh.[2] Nanging nalika rumangsa ana mungsuh kang mbebayani, luwing banjur mlungkeraké awaké.[2] Ana uga kang nganggo cara kanthi ngetokaké zat kang duwé racun.[2] Zat racun iki wujud hydrogen sianida liwat pori-pori ing awaké.[2] Zat iki bisa mbakar eksoskeleton kéwan-kéwan cilik liyané kaya ta gegremet kang ukurané cilik umpamané semut.[2] Luwing seneng urip ing panggonan kang lembab.[2] Luwing awaké kasusun déning endhas kang diarani chepalo lan weteng utawa abdomen, luwing ora nduwé dhadha utawa thoraks.[2] Ing endhasé ana antèna kang cacahé sepasang.[2] Antèna iki gunané kanggo peraba lan sepasang mata tunggal kang arané ocellus.[2] Nalika ganti kulit jumlah sègmèn bakal tambah.[2] Luwing nduwé piranti gerak kang wujud rong pasang sikil ing saben segmen ing wetengé.[2]
Luwing urip ing panggonan kang peteng lan lembab lan ngandhut tuwuhan kang wis bosok.[2] Luwing akèh urip ing laladan tropis lan urip ing dharat mligi ing panggonan kang ngandhut sampah kaya ta ing kebon lan ing ngisor-ngisor watu. Kéwan iki mangan sayuran, vegetasi kang wis mati lan lumut.[2] Awaké luwing dhapuré silindris lan ana ruas-ruasé kang kasusun kurang luwih 25-100 segmen.[2] Ing ruas kaping pitu, siji, utawa kaping pindho, sikilé ngalami modifikasi dadi organ kopulasi.[2] Ing endhasé ana sepasang antèna cendhek.[2] Luwing duwé respirasi kang jenengé trakea kang ora ngepang.[3] Piranti ekskresiné wujud saluran malphigi kang cacahé loro.[3]
Cathetan suku
[besut | besut sumber]- ↑ "Diplopoda DeBlainville in Gervais, 1844 (Class)". SysTax. Universität Ulm, Ruhr-Universität Bochum. Dibukak ing August 15, 2007.
- ↑ a b c d e f g h i j k l m n o p q /tempo.co.id Archived 2011-08-25 at the Wayback Machine.(dipunundhuh tanggal 27 Juni 2011)
- ↑ a b situs trubus Archived 2011-06-24 at the Wayback Machine.(dipunundhuh tanggal 27 Juni 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |