FC København talde berria da, 1992. urtean sortu baitzen Kopenhageko talde historiko biren batasunetik, alde batetik Danimarkako klubik zaharrena zen Kjøbenhavns Boldklub (16 liga garaipen zituen) eta bestetik Boldklubben 1903 (zazpi liga garaipen zituen).
Kjøbenhavns Boldklub Europa kontinentaleko talde zaharrena da, 1876an eratu baitzen. Hasiera batean kriket eta futbol taldea zen baina tenis, badminton, igeriketan eta petankan ere aritzen zen. XX mendean zehar Danimarkako talde arrakastatsuena izan zen 15 liga irabazi baitzituen, azkena 1980an. Bereziki onak izan ziren 1910ko hamarkada (4 liga irabaziz) eta Bigarren Mundu Gerraren ondorengo urteak (beste lau liga). Bere jantzia zuria zen.
Boldklubben 1903 izenak dioen bezala 1903an sortu zen. XX mendean 7 liga eta bi kopa eskuratu zituen. UEFA Kopan final laurdenetara iritsi zen 1992an. Honek kamiseta zuri beltza zeukan eta prakak ere beltzak ziren.
1992ko uztailaren 1ean taklde biek bat egin zuten eta Boldklubben 1903-ren lizentzia erabili zuten Daniar Superligan aritzeko. Bere debutean liga irabazi zuen eta 1994. urtean bigarren gelditu zen ligan eta kopan, baina 90. hamarkadaren bukaeran Odense BK eta Brøndby IF nagusitu zitzaizkion. Hurrengo hamarkadan 5 liga eta 2 koparen jabe egin zen. Azken urteetan herrialdeko talde indartsuenetakoa izan da.
Jacob Neestrup
Datuak: Q188430
Multimedia: FC København / Q188430