Fausto Dopico
| Biografía | |
|---|---|
| Nacemento | 1944  Xixón, España |
| Morte | 31 de outubro de 2020 (75/76 anos) Santiago de Compostela, España |
| Actividade | |
| Ocupación | economista, escritor |
   | |
Fausto Dopico Gutiérrez del Arroyo, nado en Xixón en 1944 e finado en Santiago de Compostela o 31 de outubro de 2020, foi un economista e escritor galego.
Traxectoria
[editar | editar a fonte]Nado en Xixón de pais galegos. Sendo estudante participou na creación do Frente de Liberación Popular (FLP) en Galicia (onde adoptou o nome de Unidade Socialista) e despois integróuse no PSdeG-PSOE.[1] Licenciado en matemáticas e económicas. Foi profesor de Historia Económica na Universidade de Santiago de Compostela dende 1974. Doutor en Económicas coa tese A Ilustración e a sociedade galega, a visión de Galicia dos economistas ilustrados (1977), que foi a primeira tese lida en galego na USC. Catedrático de Historia e Institucións Económicas na USC dende 1992, mantivo relación con Ernest Lluch e colaborou con María Xosé Rodríguez Galdo no campo da historia agraria de Galicia. Foi vicepresidente da ADEH en 1996 e colaborou no campo da demografía histórica. Foi director en Galicia da Universidade Internacional Menéndez Pelayo, dirixiu a Revista Galega de Economía e colaborou en Grial, Revista de Historia Económica e El Museo de Pontevedra. Finou o o 31 de outubro de 2020.[2]
Obras
[editar | editar a fonte]- A ilustración e a sociedade galega. A visión de Galicia dos economistas ilustrados, 1978.
- Crisis agrarias y crecimiento económico en Galicia en el siglo XIX, 1981 (con María Xosé Rodríguez Galdo).
Notas
[editar | editar a fonte]- ↑ La Voz de Galicia, Santiago, 5-2-1980, p. 41.
- ↑ Fondo pesar na USC polo pasamento do profesor Fausto Dopico
Véxase tamén
[editar | editar a fonte]Bibliografía
[editar | editar a fonte]- Barrera, Feliciano, ed. (2002). "Dopico Gutiérrez del Arroyo, Fausto". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.
Ligazóns externas
[editar | editar a fonte]- Obituario. Fausto Dopico, construyendo conocimiento y libertad. Arquivado 29 de xuño de 2023 en Wayback Machine.
