Hazan
Hazan, Paitán o Hassan/Hasan (en ivrit חַזָּן) es el ombre ke kanta en la esnoga. Es ken yeva el orden de la tefila i ken kanta los piyutim i las zemirot. Anke kualunke ombre puede yegar a ser hazan (o mujer en akeyas komunitas reformistas), jeneralmente el hazan es un kantadero profesional de piyutim i zemirot.
En los ultimos syéklos, lavorar komo hazan es un ofisio muy respektado. En los dos ultimos syéklos, alkunos payises de Evropa, komo Almania i el Reyno Unido dieron emportansia a los hazanim, al punto de konsiderar los hazanim estudiados komo un vize-haham de kada esnoga, espesialmente dempues de la Askalá. Afilu en los Estados Unidos, los hazanim fueron akseptados primero ke los hahamim komo lideres relijiozos de las komunitas djudias del payis; munchas komunitas al empesijo del syéklo XX empiegavan un hazan para la su esnoga (endemas de un shohet) antes de bushkar un haham, deke tener ken giase la tefilá i ken amortase las vakas, kodreros i poyos era mas emportante i menesterozo. Antonses, el hazan azía los kazamyéntos i apresentava la komunita kon las autoridades nasionalas.
En Marroko, Arjelia i Tunesia, el hazan es yamado 'paitán
Referensias
[trocar | trocar el manadero]
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.