Dialeutu grecocalabrés
El dialeutu grecocalabrés (tamién llamáu grecobovesianu) ye la versión del grecoitalianu usáu en Calabria, en contraposición al otru dialeutu grecoitalianu faláu na denomada Grecia Salentina. Los dos idiomes son mentaos xuntos davezu como grecoitaliota (Katoitaliótika) o grecánicu o griku, pero les dos versiones son diferentes nel so desenrollu históricu.
El grecocalabrés ye mentáu nel llibru bermeyu de la UNESCO d'idiomes en peligru [1], xunto col grecánicu, y amás Euromosaic analiza [2] y reconozlu como llingua minoritaria en peligru na Xunión Europea.
Tamién ye mentáu por Ethnologue como un dialeutu del griegu modernu [3]. La conclusión d'Ethnologue ye daqué duldosa, yá qu'esta llingua desenrollóse paralelamente y de forma dixebrada a partir del griegu bizantín (o inda del griegu clásicu) y por esta razón pue ser vistu más bien como un idioma hermanu del griegu modernu que non como un vástagu.
Teniendo en cuenta'l puntu anterior, sería más aceñero dicir que ye una versión dialeutal del griegu medieval bizantín y non un dialeutu del griegu modernu.
Esta versión del griegu nunca nun esperimentó un crecimientu significativu na so historia, y siempre foi usáu namái que p'asuntos cotidianos, ensin xugar rol significativu dalu nos campos de l'alministración, lliteratura o asuntos eclesiásticos. Considerando toos estos elementos, la espansión del grecocalabrés como un dialeutu más que como un idioma tien poco que ver cola falta de carauterístiques distintives y más cola so falta de prestixu.
Referencies
[editar | editar la fonte]Enllaces esternos
[editar | editar la fonte]- Grecia Calabra (n'italianu)
- Euromosaic (n'inglés)
- Biografía de Leonzio Pilato (n'italianu)
| Control d'autoridaes |
|
|---|
Datos: Q1146398